VOV4.K’ho- Di dơ\ sơnđờm mu\t nam bơsram pa 2016- 2017, ồng Trần Đại Quang, Kuang atbồ lơgar neh pơyua sră chờ gờm ală cau pơgru, kuang bàng, cau lơh broă sa priă nhai dà lơgar tàm jơh gùt gah bơto bơtê mờ bơsram, ală mè bèp kơnòm bơsram bal mờ ală kơnòm bơsram mờ cau bơsram dờng. Tàm sră pơyua, ồng Trần Đại Quang kơ\p kờn: “Nam bơsram pa 2016- 2017, gah bơto bơtê mờ bơsram pal pơn jat tai tam gơl pa jơh mờ tơl làm bơto bơtê mờ bơsram; Tơrgùm bơtàu tơnguh mpồl cau lơh broă, ngan là mpồl cau lơh broă cồng nhajak; sền gròi bơto bơtê nùs nhơm bồ tơngoh, bơta chài ơm kis, jơnau gi\t wa\, kơnòl cau làng bol tàm lơgar; sền dờng màng bơcri priă bơtàu tơnguh bơto bơtê tàm tiah sar lơgar ngài, tiah nhàr lơgar, bồt bơlào mờ gơ wèt mờ ală cau geh sră dong kờl bơh dà lơgar; tơnguh jơnhoa cồng nha bơto bơtê tơl làm, gơ jat bal mờ jơnau kờn bơtàu tơnguh lơh sa- mpồl bơtiàn, drơng geh cồng nha broă lơh lơh sa pa mờ măy mok, tam gơl pa dà lơgar mờ mu\t gơrờm bal mờ dunia bơh dà lơgar dê.

Ồng Trần Đại Quang kơ\p kờn ală kơnòm bơsram, cau bơsram dờng pơn jat tai lơh jat bơhiàn tơryang bơsram bơh jơi bơtiàn dê, ròng gàr jơnau kơ\p kờn bơ\t bơtàu rài kis ngai sơlơ niam bơne\ rlau tai ai să tờm, hìu bơnhă mờ mpồl bơtiàn in, lơh ngan bơsram tàp, lơh geh uă cồng nha tàm broă bơsram sră, kơlôi sơnơng jak chài, nàng tơnơ\ do pơn jat tai lòt jat jơng ală rơnàng bèp, rơnàng ồng bơ\t bơtàu dà lơgar he ngai sơlơ pas sơm, niam bơne\ mờ bơtàu tơnguh…”.

Cau cih mờ yal tơngi\t- Lơ Mu K’ Yến