VOV4.K’ho - Drim òr (19/5),  tàm   hìu lơh broa\ kuang atbồ lơgar, ồng Trần Đại Quang kuang atbồ lơgar neh tìp mat 56 na\ cau kuang, cau ling  neh la cau lơh broa\, sền gàr Bác Hồ tàm tơngai bơh nam 1941 tus tu\ Bác Hồ chơt. Geh đơs bơta ngoh rngac ala\ jơnau yal, ala\ jơnau  kir sơnrai bơh ala\ cau kuang  tàm tơngai drơng broa\ sền gàr Bác Hồ, ồng Trần Đại Quang geh đơs tờm, ala\ jơnau, ala\ jơnau lời kir tus mờ Bác Hồ slơ geh dong tơl na\ cau loh  wa\ bè nùs nhơm,  ơnà jak,  broa\ lơh bơh Bác Hồ dùl ơnà dờng, là phan bơna kuơ màng ngan  bơh Bác Hồ lời tus làng bol Việt Nam in. Tàm tơngai tu\ do, gùt Đảng, gùt làng bol mờ gùt ling klàng neh mờ gam bơsram mờ lơh jat ơnà jak, broa\ lơh bơh Bác Hồ  mờ lơh geh ua\ ngan cồng nha kuơ màng. Ồng Trần Đại Quang đơs tờm, dà lơgar gam ơm tềng ala\ tu\,  bơta pa mờ geh bal ala\ kal ke,  bơta lòng  bal,  mơ kung geh lơh niam  wơl ala\  bơta  gam ờ hềt niam nàng lơh ngan brồ guh,  mut lơh geh jai pha kơrnuat bơh dơ\ pơrjum dơ\ XII bơh Đảng. Kờ` bè hơ\,  broa\ kuơ màng ngan mờ lài jơh la  pal pơnjat tai geh lơh pràn broa\ bơsram mờ lơh jat ơnà jak,  broa\ lơh bơh Bác Hồ tàm gùt  Đảng, gùt ling klàng,  mờ gùt làng bol nàng  lơh gơs bơh ala\  sơnơng, broa\ lơh  bơh Bác Hồ geh  gơ rề ua\ tàm gùt tơl  rnàng làng bol.

          Cau cih mờ yal tơnggit K’ Brọp