VOV4.K’ho – Pơnjat tai ală broă lơh tàm tơngume tus còp kơnă dà lơgar tus lơgar Lào, ngai òr, 13/6, ồng Trần Đại Quang kuang atbồ lơgar neh geh dơ\ tìp mat mờ lơh broă mờ ală mpồl lơh sa kă bro lơgar Việt Nam gam bơcri priă tàm lơgar Lào.

          Tàm dơ\ tìp mat, ồng Trần Đại Quang đơs tờm, Đảng mờ dà lơgar sùm ai geh bơta [uơn nàng ală mpồl lơh sa kă bro bơcri priă, kă bro hờ lơgar Lào. Gơnoar atbồ lơgar mờ ală gah, sơnah lơh broă 2 lơgar geh cribơyai, tă bơsong mhar ală kòl yan kal ke nàng chul chồl ală mpồl lơh sa kă bro bơcri priă. Ồng Trần Đại Quang đơs tờm git gơp bơhiàn yau kuơ màng đah 2 lơgar mờ sồr ală mpồl lơh sa kă bro pal mut lơh niam ală rơndap broă bơcri priă tàm lơgar Lào jat nùs nhơm dong bơyô kung là lơh he in tài bơta bơtàu tơnguh bơh 2 lơgar Việt Nam mờ Lào. Ồng Trần Đại Quang kơp kờ` là, ală mpồl lơh sa kă bro, ală cau tờm bơcri priă là cau ala mat bơh nùs nhơm git gơp lơh bơyô tàm gah lơh sa geh pơnjat tai geh ală tă pơgồp kuơ màng rlau tai tus mờ git gơp lơh bơyô ờs mờng, tam klac kuơ màng đah Việt Nam mờ Lào bơtàu tơnguh pràn rlau tai tàm tơngai tus.

           Mho ngai òr, ồng Trần Đại Quang mờ pơùr bal mờ mpồl kuang bàng dờng màng lơgar Việt Nam neh lik bơh càr lơgar Vientiane tus còp Champasak, càr đah jum lơgar Lào dê.

                  Cau cih mờ yal tơngit K’ Duẩn.