VOV4.K’ho- Drim òr 27/11, tàm Anih tờm pơrjum dunia Antanarivo, tàm lơgar Madagascar, ồng Trần Đại Quang, Kuang atbồ lơgar neh geh dơ\ tìp mat mờ ồng Rudy Demotte Kuang atbồ tiah làng bol cau Bỉ đơs dà Tây mờ ồng Ibrahim Mahlab, Kuang atbồ Mpồl kuang bàng lơgar Ai Cập. Tàm dơ\ tìp mat mờ ồng Rudy Demotte, bàr gah geh jơnau đơs ai lơh niam nùs tềng đap bơta bơtàu tơnguh niam bơne\ bơh bơta gi\t gơ\p lơh bơyô bal đah 2 lơgar dê. Ồng Trần Đại Quang kơ\p kờn bàr gah pơn jat tai pơ gồp bal niam bơne\ nàng mu\t lơh ală rơndăp broă lơh tàm mpồl đơs dà Tây tàm tơngai tus.

Tàm dơ\ tìp mat mờ ồng Ibrahim Mahlab, ồng Trần Đại Quang sồr lơgar Ai Cập dong kờl Việt Nam crơng gơs Anih tờm dờp sền Halal Việt Nam nàng lơh sră cơng tàng tơl khà ai phan bơna kă bro lơgar Việt Nam in tăc tàm ală drà Isslam. Ồng Ibrahim Mahlab đơs là, Việt Nam mờ Ai Cập kung gam uă bơta pràn jak nàng tam klac lơh broă bal tàm gah lơh sa, kă bro, bơcri priă mờ lơgar Ai Cập tu\ lơi kung rơcang gơ gơs là gùng lòt nàng jun phan bơna kă bro lơgar Việt Nam dê tăc tàm tiah do.

Cau cih mờ yal tơngi\t- Lơ Mu K’ Yến