VOV4.K’ho – Di Ngai Dunia kơnòm dềt 1/6 mờ Nhai lơh broă tài kơnòm dềt nam 2016, drim òr 30/5, tàm Hìu duh broă Kuang atbồ lơgar, ồng Trần Đại Quang kuang atbồ lơgar neh geh dơ\ tìp mat mờ 55 nă cau ala mat kơnòm dềt geh rài kis kal ke uă. Do là ală cau pơnrơ jak ngan, ala mat ai kơnòm dềt gùt lơgar bè nùs nhơm sơr lèt gan kal ke, lơh geh cồng nha jak chài tàm broă bơsram, pơlam tàp, là kòn dờn bơr, kơnòm bơsram jak, sau gơlòng sồr Bác Hồ dê. Pơyua jơnau chờ gờm mờ nùs nhơm rềp mềl ngan rlau jơh tus mờ ală oh dềt, ồng Trần Đại Quang đơs tờm, broă mu\t lơh gùng dà broă lơh dong kờl làng bol [òn lơgar, dong kờl ală cau geh rài kis uă kal ke, ngan là kơnòm dềt là bơhiàn niam bơne\ ngan bơh jơi bơtiàn he dê, mơkung là gùng dà broă lơh ờ tu\ lơi gơ tam gơl bơh Đảng mờ Dà lơgar dê. Kuơmàng, tàm ală nam do, ală kơnă, ală gah neh mu\t lơh niam ală gùng dà broă lơh bơh Đảng mờ Dà lơgar dê bè kơnòm dềt, broă lơh sền gàr, ròng siam, dong kờl mờ bơto bơtê kơnòm dềt, tàm hơ\ geh kơnòm dềt geh rài kis kal ke uă neh geh uă bơta gơ tam gơl niam ngan mờ lơh geh ală cồng nha kuơmàng.

Cau cih mờ yal tơngi\t- Lơ Mu K’ Yến