VOV4.K’ho – Tơnơ\ tơn tu\ tus càr lơgar La Habana, lơgar Cuba dê, ồng Trần Đại Quang, Kuang atbồ lơgar mờ pơ ùr bal mờ mpồl kuang bàng dờng màng ala mat lơgar he neh tus còp să ồng Fidel Castro, Kuang atbồ lơgar Cuba lài do. Ồng Trần Đại Quang đơs tờm, Việt Nam kơ\ nùs kờn bal broă lơh kăc màng dipal ngan bơh làng bol Cuba oh mi dê mờ sền dờng màng pơn jat tai sơlơ tơnguh tai bơta gi\t gơ\p dờng màng đah bàr lơgar. Ồng Fidel Castro jờng rơ ồng Trần Đại Quang mờ pơ ùr bal mờ mpồl kuang bàng dờng màng ala mat lơgar Việt Nam còp ngan ngồn lơgar Cuba, pơgồp bơnah sơlơ lơh jrô ơnàng rlau tai bơta gi\t gơ\p oh mi ờs mờng bơh yau dờng màng ngan đah bàr lơgar. Tàm dơ\ tìp mat, bàr nă kuang bàng đơng lam neh yal wơl ală tềl kah yau pơnrơ ngan tàm jơnau gi\t gơ\p bàr lơgar tàm rlau 50 nam do mờ cribơyai bal bè ală bơta tàm tiah do mờ dunia mờ bàr gah ndrờm sền gròi bal.

Cau cih mờ yal tơngi\t- Lơ Mu K’ Yến