VOV4.K’ho – Drim òr 29/8, dơ\ wă rò ngan ngồn ồng Trần Đại Quang, kuang atbồ lơgar mờ pơ ùr bal mờ mpồl kuang bàng dờng màng dà lơgar Việt Nam neh geh bơyai lơh tàm gơlang kuang atbồ lơgar Istana. Tơnơ\ dơ\ wă, ồng Trần Đại Quang neh tìp mat cribơyai mờ ồng Tony Tan Keng Yam, Kuang atbồ lơgar Singapore. 2 gah neh ràng tơlik bơta niam nùs bè ală bơta bơtàu tơnguh mhar mờ pràn kơldang tàm gìt gơp 2 lơgar kờp bơh tu\ crơng gơs lơh broă bal kuơ màng nam 2013. 2 gah ringbal pal sơlơ cribơyai mpồl kuang bàng dờng màng mờ ală kơnă kờ` chul chồl ală tam klac ngan ngồn bơh tơl gah mờ tơl broă lơh.

Kuang atbồ lơgar he cribơyai broă mờ kuang atbồ lơgar Singapore

           Ồng Trần Đại Quang đơs niam broă lơgar Singapore sùm là lơgar tam klac kă bro mờ bơcri priă dờng màng ngan bơh Việt Nam dê tàm uă nam do. Kuang atbồ lơgar Singapore đơs tờm, mpồl lơh sa kă bro lơgar Singapore niam nùs ngan bè broă kă bro mờ bơcri priă tàm lơgar Việt Nam mờ geh pơnjat tai rề ơnàng git gơp tam klac lơh sa mờ Việt Nam. 2 gah kung ringbal sơlơ tam klac tàm ală gah ndai bè sền gàr dà lơgar, sền gàr ngap lơngai, bơto bơsram, nhơl chờ, chài rơgơi, tìp mat làng bol…

          Bal  dùl ngai,  ồng Trần Đại Quang  kuang atbồ lơgar neh tìp mờ  cri bơyai broa\ mờ ồng Lý Hiển Long kuang gơs gơnap gơnoar atbồ hơđang rlau jơh dà lơgar Singapore. 2 kuang geh đơs niam bơta bơtàu tơngguh mhar mờ pràn bơh tam klac lơh sa bal, ka\ bro mờ bơcri bơh 2 lơgar, ring bal chul chồl broa\ lơh geh cồng nha kơrnuat tờm bè lơh broa\ bal Việt Nam-Singapore mờ broa\ bơyai lơh pơrjum dơ\ 12 tàm nam 2016, jờng broa\ ồng Tiêu Chí Hiển kuang jat jơng gơs gơnap gơnoar atbồ hơđang rlau jơh dà lơgar Singapore còp lơgar Việt Nam mờ tus bal dơ\ bơyai lơh  tơng kah 20 nam ngai crơng gơs tiah lơh sa mờ ma\y mok Việt Nam-Singapore. 2 gah neh cri bơyai dờng màng bè  bơta ala\ lơgar rềp bal, dunia, ring bal  geh pơnjat tai geh lơh bal mờ kờ` bal tàm ala\  dơ\ cri bơyai ala\ lơgar rềp bal mờ dunia, ngan la tàm ASEAN mờ anih duh broa\ dunia. 2 gah geh ring bal chul chồl tơngguh broa\ lơh tam klac mờ sùm gàr bơnga\ tờm ngan bơh ASEAN tàm rơndap sền gàr ngap lơngai  tàm do. 2 gah geh đơs tờm broa\ lơh bơh ASEAN tàm broa\ bơsong tam phà tàm tiah do,  đơs tờm bơta kuơ màng bơh broa\ gàr geh ngap lơngai, ờ do ờ da\, gàr niam tàm dà lềng đah mat tơngai lik mờ tơl broa\ lơh ngap lơngai,  bal mờ ala\ gah mut lơh tơl mờ geh cồng nha jơnau  đơs bal bè broa\ pal lơh ala\ gah tàm dà lềng đah mat tơngai lik mờ gờ` lơh geh kơrnuat pal jat nàng gàr ngap lơngai, ờ do ờ da\ mờ bơtàu tơngguh tàm kơnhoàl do mờ  dunia.

                                                 Cau cih mờ yal tơnggit  K' Duẩn  mờ   K’ Brọp