VOV4.K’ho - Dờp jơnau jà bơh ồng Trần Đại Quang, Kuang atbồ lơgar he dê, ồng Htin Kyaw, Kuang atbồ lơgar Myanmar mờ pơ ùr neh sơn đờm dơ\ tus còp kơnă dà lơgar tus lơgar Việt Nam bơh ngai 26 tus ngai 28/10/2016. Mho òr, 26/10, tơnơ\ dơ\ wă rò tàm Gơlang kuang atbồ lơgar, ồng Trần Đại Quang mờ ồng Htin Kyaw neh mut lơh cribơyai bal.

Kuang atbồ lơgar he cribơyai broă mờ kuang atbồ lơgar Myanmar

Ồng Trần Đại Quang mờ ồng Htin Kyaw ràng tơlik bơta niam nùs bè bơta bơtàu tơnguh bơh git gơp lơh bơyô ờs mờng mờ tam klac uă gah bơh 2 lơgar dê tàm rlau 40 nam do. 2 gah hơ pơrgon lơh niam rlau tai git gơp kă bro – bơcri priă jat bơta geh kuơ bal. Bè bơta tàm dà lềng đah mattơngai lik, 2 gah hơ pơrgon sền gàr mờ chul chồl ngap lơngai, kơ\ kơljap, ờ do ờ dă mờ khat gơboh gùng dà lềng mờ gùng rơndeh par, hòi jà ală gah git ơt ơl, ba` pơhìn ngui phàu crong tam lơh halà ngui bơta tam lơh, sền dờng màng tơl làm ală broă lơh cribơyai mờ lơgar ndai, kơrnuat boh lam, bơsong tam pìt tam phà mờ ală broă lơh ngap lơngai, jat kơrnuat boh lam dunia.

              Cau cih mờ yal tơnggit K’ Duẩn.