VOV4.K’ho - Mho òr (4/11), tàm Gơlang kuang atbồ lơgar, ồng Trần Đại Quang  kuang atbồ lơgar neh geh bùi tìp mờ 137 na\ kơnòm bơsram, cau bơsram dờng kòn cau bơsram jak ngan, pơnrơ rê tus dơ\ jờng tàm nam 2016. Ồng Trần Đại Quang jờng ala\ oh neh lơh ngan brồ guh tàm bơsram mờ tàp sa\ ja`, pơr lòng geh khà jờng tàm ala\  dơ\ pơr lòng  kơnòm bơsram jak ngan dà lơgar mờ geh điểm jơnhua tàm dơ\ pơr lòng mut tàm ala\ hìu bơsram dờng. Ồng đơs la,  ala\ oh mùl màl la ala\ cau kòn gơ lòng  sồr cau bơsram jak, la cau tờm rnàng tơnơ\ do bơh dà lơgar. Ồng đơs tờm tai, broa\ lơh bơto bơtê mờ bơsram đơs bal,  bơto bơtê mờ bơsram tàm tiah làng bol kòn cau mờ  kơh bơnơm đơs is slơ ngai slơ geh bơnga\ kuơ màng ngan. Ồng Trần Đại Quang đơs: “Nàng  chồl guh  bơtàu tơngguh cau lơh broa\, bơtàu tơngguh git  wa\ jak làng bol,  pơ gồp bal sang sơbì jơgloh tơmù rbah kơljap, bơtàu tơngguh tơl làm lơh sa-mpồl bơtìan  tàm  tiah làng bol kòn cau kờ` pal pơnjat tai geh sền gròi, sền sơnơng, geh tơlik jơnau bơsir, lơh gơs broa\ lơh bơtàu tơngguh cau lơh broa\, mpồl cau pơgru cau kòn cau. Mơ kung geh drơng phan bơna, nùs nhơm,  dong tơl bơta niam ngan rlau jơh tus gah bơto bơtê mờ bơsram jat  gùng pờ ơnàng tus ala\ hìu bơsram kòn cau ơm sa ngai tàm hìu bơsram tàm ala\  kơnhoàl rbah”.

                   Cau cih mờ yal tơnggit K’ Brọp