VOV4.K’ho – Mho òr, 16/5, tàm gơlang kuang atbồ lơgar, ồng Trần Đại Quang kuang atbồ lơgar neh geh dơ\ tìp mat rềp mềl mờ mpồl ala mat cau lơh sa kă bro geh pơnrơ jak tus bal “ Cribơyai Bác Hồ mờ mpồl lơh sa kă bro, cau lơh sa kă bro” mờ tus bal dơ\ lam lơh srơh pơrlòng cau lơh sa kă bro lơgar Việt Nam bơsram mờ lơh jat ơnà jak, nùs nhơm, rài kis bơh Bác Hồ dê.

Do là broă lơh geh kuơ ngan ngồn wèt tus tơngkah 126 nam ngai deh Bác Hồ. Jat jơnau yal bơh cơldu\ kă bro mờ lơh sa mờ mai\ mok lơgar Việt Nam, tu\ do, gùt lơgar geh rlau 500 rbô mpồl lơh sa kă bro mờ rlau 20 brô mpồl lơh sa bal, mờr 5 tơlak hìu nhă kă bro lơh broă tàm uă ngan gah broă lơh. Ồng Trần Đại Quang đơs tờm, Đảng, dà lơgar sùm sền gròi đơng lam bồ mờ geh uă gùng dà, broă lơh pơn jờng bơtàu tơnguh mpồl lơh sa kă bro, brồ guh bơngă bơh cau lơh sa kă bro dê tàm broă lơh bơt bơtàu, sền gàr mờ bơtàu tơnguh dà lơgar. Ồng Trần Đại quang kung tơngkah mpồl lơh sa kă bro pal rơndap tap sèng wơl broă lơh sa, kă bro, mut ngui khoa học kỹ thuật, tơnguh pràn jak đơng lam bồ, sơlơ tam klac rlau tai, crơnggơs ròt mpồl lơh gơlik phan, mơkung tus bal jơh nùs tàm ală broă lơh gàr tơl niam rài kis mpồl bơtiàn, tơn jơh jơgloh tơmù rơbah mờ dong kờl cau geh sră dong kờl bơh dà lơgar.

            Cau cih mờ yal tơngit K’ Duẩn.