VOV4.K’ho – Mho òr, 28/4, tàm gơlang kuang atbồ lơgar, ồng Trần Đại Quang kuang atbồ lơgar tìp mat mpồl yal jơnau tơngit cau ling yau lơh broă dong kờl is mờ cau jak chài ling klàng lơgar VN tàm lơgar Lào.

Ồng Trần Đại Quang ràng tơlik bơta chờ hờp geh tìp mat ală cau ala mat mpồl yal tơngit cau ling yau lơh broă dong kờl is mờ cau jak chài ling klàng lơgar Việt Nam tàm lơgar Lào di tàm tu\ gùt lơgar gam bơyai lơh tơngkah 41 nam tơngklàs tiah đah jum, tơrgùm 1 dà lơgar mờ ồng Bun-nhăng Vo-la-chít kuang atbồ đơng lam Đảng dà lơgar, mơlà kuang atbồ dà lơgar Lào pa geh dơ\ tus còp git gơp lơh bơyô lơgar Việt Nam, kung là dơ\ tus còp sơn rờp tơnơ\ mờ tu\ guh at gơnoar broă, neh ai tơnggo\ bơta sền dờng màng mờ git gơp tam klac kuơ màng Việt Nam mờ Lào neh geh ală rơnàng lơh ngan bơt bơtàu. Ồng Trần Đại Quang đơs tờm, Đảng, dà lơgar Việt nam mờ lơgar Lào sùm kah ưn ngài mờ đơs niam dà kơl hề dờng màng bơh ală cau ling yau, cau jak chài tàm lơgar Lào. Git gơp lơh bơyô kuơ màng Việt Nam mờ Lào geh bơt bơtàu, tơrbo\ kơ\ mờ bơta phi să dờng màng ngan bơh ntìng mờ mhàm bơh ling klàng, làng bol 2 lơgar dê, cèng bơta kis jo\ tus mờ 2 jơi bơtìan Việt Nam mờ Lào mơlà jơtài kuơ màng ngan nàng 2 lơgar sền gàr, bơtàu tơnguh sơrlèt gan tơl bơta kal ke.

                        Cau cih mờ yal tơngit K’ Duẩn.