VOV4.K’ho – Pơnjat tai dơ\ tus còp kơnă dà lơgar tus lơgar Italia, ngai 23/11, ồng Trần Đại Quang, Kuang atbồ lơgar neh tìp mat cribơyai mờ ồng Matteo Renzi, Kuang gơs gơnap gơnoar atbồ hơđang rlau jơh lơgar Italia. Tàm nùs nhơm song dơpă mờ chờ hờp, 2 nă kuang neh ringbal sơlơ tơnguh rlau tai broă tìp mat, cribơyai mpồl kuang bàng dờng màng 2 lơgar. Bè lơh sa, 2 gah ringbal lơh ngan tơnguh priă lơh geh bơh kă bro đah 2 gah tus 6 tơmàn đôlar Mỹ tàm nam tus, dong kờl ală mpồl lơh sa kă bro lơgar Italia bơcri priă mờ kă bro tàm lơgar Việt Nam. 2 nă kuang kung neh cribơyai bè ală bơta dunia mờ kơnhoàl mờ 2 lơgar sền gròi bal; ringbal pơnjat tai tam klac mờ pơgồp bal krà` cê, dong kờl bal mờ gơp tàm ală mpồl lơh broă Anih duh broă dunia, ASEAN, EU,…

                Cau cih mờ yal tơnggit K’Duẩn