VOV4.K’ho- Drim òr 2/10, tàm Hà Nội, Gah Kuang àng dà lơgar bơyai lơh Dơ\ tơngkah 55 nam Ngai bơhiàn bơh mpồl kảnh sát rơcang sơndră mờ crùh ồs sa, 15 nam Ngai gùt làng bol rơcang sơndră mờ crùh ồs sa (4/10) mờ dờp Gai lòng Sền gàr Dà lơgar khà dùl. Đơs tàm dơ\ bơyai lơh tơngkah, ồng Trần Đại Quang, Kuang atbồ lơgar jờng rơ mờ đơs niam ngan ală dà kơlhề mờ cồng nha lơh geh jak ngan mờ mpồl kảnh sát rơcang sơndră mờ crùh ồs sa dê neh lơh geh tàm jơh gùt tu\ tơngai kah yau 55 nam do. Ồng Trần Đại Quang, đơs là: tơngai tus, broă lơh sa- mpồl bơtiàn pơn jat tai bơtàu tơnguh, broă lơh tiah drà mhar, tam gơl trồ tiah kung gam gơlik geh kal ke mờ ngòt rơngơ\t rlau. Ồng Trần Đại Quang sồr mpồl Kảnh sát rơcang sơndră mờ crùh ồs sa kờn pal rơcang lài, crùh ồs sa, dong kờl rềs àr, dong kờl cau, sơrbac mhar ngac ngar tàm tu\ lùp khàu dờng màng, jòi gi\t, mblàng mờ đơs lài broă ồs sa, bơrtoh, lơh niam gơnoar broă dan mờ Đảng, Dà lơgar geh ală gùng dà broă lơh, kơrnoat boh lam bè rơcang sơndră mờ crùh ồs sa.

Cau cih mờ yal tơngi\t- Lơ Mu K’ Yến