VOV4.K’ho – Drim òr, 26/4, tàm Hà Nội, anih duh broă kòn cau dà lơgar neh yu\ rơyùm bơyai lơh tơngkah 70 nam ngai bơhìan anih lơh broă kòn cau ( 3/5/1946 – 3/5/2016) mờ dờp gai lòng ngap lơngai is khà dùl. Tàm dơ\ bơyai lơh, ồng Trần Đại Quang kuang atbồ lơgar đơs tờm, Việt Nam là dùl lơgar tơrgùm dùl geh uă jơi bơtiàn kòn cau ơm kis, sùm tam klac bal tàm gùt tơngai bơt bơtàu mờ sền gàr dà lơgar. Ồng Trần Đại Quang đơs loh “ Ală jơi bơtiàn kòn cau ringbal, tam kalc, sền dờng màng mờ dong kờl bal mờ gơp bơtàu tơnguh; ờ ai khat dùl broă lơh tam cah is jơi bơtiàn kòn cau”. Ồng Trần Đại Quang tơngkah ală kơnă, ală gah broă lơh pal mut lơh  niam rơndap broă mờ broă lơh bè kòn cau tus nam 2020, gơjat mờ rơndap broă bơtàu tơnguh lơh sa mpồl bơtiàn bơh ală tiah dê; pơnjat tai tam gơl, bơ tơl, bơsong kơrnuat boh lam, broă lơh, bơta dong kờl bè kòn cau, kuơ màng là kơ lôi sơnơng, ai tơlik bơt bơtàu adat kòn cau. Kuơ màng, mut lơh niam broă dong kờl pin dờn jat ỳang, pơgồp bal krà` cê bơtàu tơnguh lơh sa mpồl bơtiàn mờ sền gàr ngap lơngai, sền gàr dà lơgar, tam dră geh cồng nha broă sơ mờm bơta kòn cau, pin dờn jat yàng nàng lơh aniai tus mpồl tam klac dờng ală kòn cau.

                               Cau cih mờ yal tơngit K’ Duẩn.