VOV4.K’ho – Drim òr 24/6, tàm Hà Nội, Hìu bơsram dờng An ninh Nhân dân yu\ rơyùm bơyai lơh dơ\ tơngkah 70 nam Ngai bơhiàn (25/6/1946-25/6/2016) mờ dờp rò Gai lòng Quân công khà dùl. Đơs tàm dơ\ bơyai lơh, ồng Trần Đại Quang kuang atbồ lơgar đơs loh, bal mờ bơngă là dùl anih tờm bơto bơtê mờ kơlôi sơnơng jak chài lam bồ lài, at gơnoar broă tờm tàm bơto bơtê mpồl cau geh bồ tơngoh jak bơh mpồl Kuang àng làng bol dê, Hìu bơsram dờng An ninh Nhân dân kờn pal pơn jat tai bơsram jrô ơnàng, lơh jat niam ală gùng dà broă lơh bơh Đảng, kơrnoat boh lam bơh Dà lơgar dê bè bơto bơtê. Bơto bơtê tàm Kuang àng làng bol là bơto bơtê, ai bơtơl mpồl cau lơh broă geh bồ tơngoh jak, geh nùs nhơm niam, geh broă lơh jak chài, jơnau gi\t wa\, bơta chài nàng mu\t lơh gơnoar broă atbồ dà lơgar bè lơngăp lơngai dà lơgar, tam dră mờ sền gàr lơngăp lơngai dà lơgar, lơh jat di mờ jơnau sồr bal bơh dà lơgar dê mờ kơnòl broă, broă lơh Kuang àng tàm tu\ tơngai pa.

                      Cau cih mờ yal tơngi\t- Lơ Mu K’ Yến