VOV4.K’ho – Dờp jơnau jà bơh ồng Trần Đại Quang kuang atbồ lơgar Việt Nam dê, ồng Barack Obama kuang atbồ lơgar Mỹ tàm mang ngai 22/5 neh tus Hà Nội, sơnđờm dơ\ lòt còp ngan ngồn lơgar Việt Nam bơh ngai 23/5 tus 25/5/2016. Drim ngai òr 23/5, Dơ\ bơyai lơh wa\ rò yu\ rơyùm neh geh lơh tàm Hìu duh broă Kuang atbồ lơgar dê. Ồng Trần Đại Quang đơng lam Dơ\ bơyai lơh wa\ rò. Do là dơ\ lòt còp lơgar Việt Nam dơ\ sơnrờp bơh ồng Barack Obama kuang atbồ lơgar Mỹ dê mờ là dơ\ lòt còp bơh Kuang atbồ lơgar Mỹ dê dơ\ pe tus lơgar Việt Nam kờp bơh tu\ bàr lơgar lơh bè ờs wơl bơta gi\t gơ\p tàm nam 1995. Ồng Trần Đại Quang jơh nùs chờ gờm wa\ rò ồng Barack Obama bal mờ mpồl kuang bàng dờng màng lòt còp ngan ngồn lơgar Việt Nam, pơgồp bơnah sơlơ tơnguh uă rlau tai bơta gi\t gơ\p tam klac lơh broă bal tơl làm đah bàr lơgar. Kờp bơh tu\ lơh bè ờs wơl bơta gi\t gơ\p tàm nam 1995, kuơmàng tơnơ\ tu\ bàr lơgar geh bơta gi\t gơ\p Tam klac lơh broă bal tơl làm, gi\t gơ\p đah Việt Nam mờ Mỹ lơh geh ală bơta bơtàu tơnguh pa, geh lơh ngan ngồn rlau tàm uă broă, jơh bal bè bàr lơgar mờ uă lơgar. Bal mờ sơlơ tam klac lơh broă bal bè gùng dră bal, tam klac lơh bal lơh sa đah Việt Nam mờ Mỹ kung neh geh ală bơta bơtàu tơnguh uă ngan. Mỹ neh gơ gơs là drà tăc phan mờ lơgar ndai dờng ngan rlau jơh bơh Việt Nam dê. Priă geh bơh kă bro đah bàr lơgar sơlơ gơguh tai sùm tàm khà 20% tàm ală nam rềp ndo, geh rlau 45 tơmàn dolar Mỹ tàm nam 2015. Bơcri priă tơn bơh lơgar Mỹ dê tàm lơgar Việt Nam kờp du\ geh rlau 11 tơmàn dolar Mỹ, ơm dơ\ 7 tàm ală lơgar bơcri priă tàm lơgar Việt Nam. Tơnơ\ dơ\ bơyai lơh wa\ rò yu\ rơyùm, ồng Barack Obama kuang atbồ lơgar Mỹ neh tìp mat cribơyai broă mờ ồng Trần Đại Quang kuang atbồ lơgar Việt Nam mờ geh ală dơ\ tìp mat mờ kuang bàng đơng lam Đảng, Dà lơgar, Gơnoar atbồ lơgar Việt Nam kờn cribơyai ală broă lơh kơ\ kơl jăp wơl, sơlơ tơnguh tai bơta gi\t gơ\p Tam klac lơh broă bal tơl làm đah Việt Nam mờ Mỹ tàm tơngai tus.

Cau cih mờ yal tơngi\t- Lơ Mu K’ Yến