VOV4.K’ho – Drim òr 6/5, tàm Hìu duh broă kuang atbồ lơgar, ồng Trần Đại Quang kuang atbồ lơgar wa\ rò ồng Fumio Kishida kuang atbồ Gah Cribơyai broă mờ lơgar ndai lơgar Nhờk gam còp lơgar Việt Nam jat jơnau jà bơh ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai dà lơgar Việt Nam. Ồng Trần Đại Quang chờ hờp sền go\, tơngai lài, bơta gi\t gơ\p bơh 2 lơgar dê neh geh bơta bơtàu tơnguh pa pràn ngan, jrô ơnàng mờ geh kuơ ngan tàm jơh ală broă lơh tam klac lơh bal, bơta pin dờn gùng dră bal ngai sơlơ geh tơnguh tai. Đơs niam ngan gơnoar broă kuơmàng bơh lơgar Nhờk dê bè tam klac bal lơh sa, kă bro, bơcri mờ Việt Nam; ưn ngài Gơnoar atbồ lơgar, Gơnoar ala mat dà lơgar mờ làng bol lơgar Nhờk neh dong kờl Việt Nam tàm bơtàu tơnguh lơh sa mpồl bơtiàn, tơn jơh jơgloh tơr mù r[ah bơh bơnah priă ODA tàm uă nam do. Ồng Trần Đại Quang đơs tờm, bơta bơtàu tơnguh bơta gi\t gơ\p 2 lơgar dipal mờ bơta kuơ mờ jơnau kơ\p kờn bơh làng bol 2 lơgar, 2 jơi bơtiàn dê, tă pơgồp ai bơta ring lơngai, kơ\ kơl jăp, tam klac bal mờ bơtàu tơnguh tàm tiah do. Ồng Trần Đại Quang đơs tờm: gùng dà lơh broă mờ lơgar ndai ờ tu\ lơi tam gơl bơh Việt Nam dê pơn jat tai sền lơgar Nhờk là cau lơh broă bal kuơmàng ngan khà dùl mờ jo\ jòng bơh Việt Nam dê. Ồng Trần Đại Quang sồr bàr gah tam klac lơh bal niam rlau tai tàm ală dơ\ cribơyai dunia mờ tàm tiah do bè ală bơta mờ 2 gah ndrờm sền gròi.

Cau cih mờ yal tơngi\t- Lơ Mu K’ Yến