VOV4.K’ho – Mho òr 8/8, tàm Gơlang kuang atbồ lơgar, ồng Trần Đại Quang, kuang atbồ lơgar neh wă ồng Ryamizard Ryacudu, kuang atbồ Gah sền gàr dà lơgar Indonesia gam geh dơ\ tus còp mờ lơh broă tàm Việt Nam.

Đơs niam nùs nhơm loh làng, ờ tam gơl bơh lơgar Indonesia dê tàm tơngai lài bè bơta dà lềng đah mattơngai lik, ồng Trần Đại Quang kơp kờ` Indonesia pơnjat tai brồ guh gơnoar he dê, bal mờ Việt Nam mờ ală lơgar ndai tàm mpồl ASEAN chul chồl broă mut lơh ală jơnau kờ` bơh mpồl bơtìan ASEAN dê. Jờng rơ cồng nha tìp mat cribơyai đah kuang atbồ Gah sền gàr dà lơgar 2 lơgar tàm drim òr, ồng Trần Đại Quang sồr tàm tơngai tus, kuang đơng lam bồ Gah sền gàr dà lơgar 2 lơgar lơh ngan đơng lam ală anih lơh broă geh gơnoar kơlôi sơnơng, ai tơlik ală broă lơh gơtùi mut ngui ngan ngồn nàng mut lơh tơl làm, geh cồng nha ală tơngume tam klac sền gàr dà lơgar neh ringbal, bơh hơ\ tă pơ gồp jơh nùs tàm broă sền gàr bơta ngap lơngai, bơtàu tơnguh bơh tiah do dê.

          Cau cih mờ yal tơnggit K’ Duẩn.