VOV4.K’ho – Drim òr, 28/6, tàm gơlang kuang atbồ lơgar, ồng Trần Đại Quang kuang atbồ lơgar wă ồng I-ô-di Sa-tô, kuang atbồ mpồl lơh sa dờng Sojitz tus còp mờ lơh broă tàm lơgar Việt Nam. Do là mpồl lơh sa kă bro dờng ngan bơh lơgar Nhờk dê neh geh mat tàm lơgar Việt Nam tàm 30 nam do. Tàm dơ\ wă, ồng Trần Đại Quang chờ hờp go\ git gơp đah Việt Nam mờ Nhờk pơnjat tai bơtàu tơnguh pràn kơldang, ngan ngồn mờ tơl làm tàm jơh ală gah, tàm hơ\ lơgar Nhờk pơnjat tai là lơgar lơh broă bal dờng ngan bơh Việt Nam dê bè lơh sa, là lơgar ai priă ODA dờng ngan rlau jơh, là cau bơcri priă dờng dơ\ 2 mờ lơgar tam klac kă bro dờng dơ\ 4 bơh Việt Nam dê. Ồng Trần Đại Quang kơp kờ`, tơngai tus, ală mpồl lơh sa kă bro lơgar Nhờk geh sơlơ bơcri priă tàm lơgar Việt Nam, ngan là ală gah geh sền gròi lài ngan tàm rơndap broă lơh tam gơl pa, bơtàu tơnguh phan bơna geh bơta niam uă, lơh sa mờ mai\ mok dong kờl, chồl pràn tam jàu công nghệ mờ dong kờl bơto bơtê cau lơh broă. Ồng Trần Đại Quang đơs tờm, Việt nam geh pơnjat tai bơsong ală tơngume kơrnuat boh lam, broă lơh… nàng lơh geh anih bơcri, kă bro kơ\ kơljap mờ niam rlau tai ai ală cau bơcri priă lơgar ndai in, tàm hơ\ geh ală mpồl lơh sa kă bro lơgar Nhờk.

                       Cau cih mờ yal tơnggit K’ Duẩn.