VOV4.K’ ho - Mho òr (21/4), tàm Hìu lơh broa\ kuang atbồ lơgar, ồng Trần Đại Quang kuang atbồ lơgar neh wa\ ồng Tshutumu Takebe kuang dong broa\ kuơ màng bơh tam klac mpồl git gơp gơnoar ala mat dà lơgar Việt Nam-Nhờk gam geh  dơ\ tus còp mờ lơh broa\ tàm Việt Nam.

            Đơs tờm  bè bơta git gơp  gơnoar ala mat dà lơgar 2 lơgar, ngan la bơh tu\ geh  crơng gơs git gơp lơh broa\ bal kuơ màng, git gơp Việt Nam-Nhờk neh sùm bơtàu tơnguh tàm jơh ala\ gah broa\ lơh. Ồng Trần Đại Quang đơs tờm  tàm broa\ lơh mờ lơgar cau he dê, Việt Nam sùm sền kuơ bơta git gơp mờ lơgar Nhờk. Ồng Trần Đại Quang kung kơp kờ` mờ  bơta mờng he dê, lơgar Nhờk geh pơnjat tai tam pà, dong kờl Việt Nam tàm dơ\ bơt bơtàu dà lơgar, ngan la  bơtàu tơngguh phan bơna,  lơh broa\ sa mờ geh tam dra\ mờ tam gơl trồ tiah.

                   Cau cih mờ yal tơnggit K’ Brọp