VOV4.K’ho – Mho òr, 04/5, tàm gơlang kuang atbồ lơgar, ồng Trần Đại Quang kuang atbồ lơgar neh wă ồng Jan Elliasson, kuang jat jơng atbồ Anih duh broă dunia gam geh dơ\ tus còp mờ lơh broă tàm lơgar Việt Nam bơh ngai 3 tus ngai 6/5. Tàm hơ\, bơta trồ prang dờng soat dà tàm ală tiah bơh lơgar Việt Nam dê là tơngume geh sền gròi ngan tàm dơ\ lơh broă do.

Tàm dơ\ wă, ồng Trần Đại Quang đơs là, tàm tơngai tu\ do tu\ ală bơta lòng gùt plai ù bè sò tơm iơh bơsak, cau ntrờn tiah kis dunia, [ơ\ [ơl tiah kis, tam gơl trồ tiah, jơnau pơhìn ngui phàu crong lơh gơ sơt rung, kòp pluh dờng, bơta ờ tơl dà, ờ tơl phan sa… ngai sơlơ gơguh uă, Việt Nam kơp kờ` anih duh broă dunia pơnjat tai brồ guh gơnoar he dê tàm broă sền gàr ngap lơngai dunia, dong kờl ală lơgar mut lơh geh cồng nha ală jơnau ringbal kuơ màng mờ geh kuơ kah yau neh geh ringbal hơ\ là broă lơh cribơyai nam 2030 tài bơta bơtàu tơnguh kơ\ kơljap mờ jơnau ringbal Paris bè tam gơl trồ tiah. Ồng Trần Đại Quang ưn ngài ală tă pơgồp bơh ală anih lơh broă bơh anih duh broă dunia dê tàm lơgar Việt Nam bè broă pơgồp bal di tu\ mờ geh cồng nha tàm broă chul chồl ală broă lơh tam klac bal đah 2 gah. Loh làng pa ngan rlau jơh là broă anih duh broă dunia gam lơh ngan dong kờl lơgar Việt Nam tàm broă dong kờl cau tàm tiah đah jum tàm gùl lơgar, Tây Nguyên mờ tiah ring dà dờng Cửu Long; neh tơmut lơgar Việt Nam tàm sră cih mat 22 lơgar hòi jà bơta dong kờl bơh mpồl bơtiàn dunia dê. Việt Nam gam lơh ngan jơh pràn bơsong bơta gơlik geh he dê, ai tơlik ală broă lơh tềng đap mat kung bè jo\ tơngai. Mơya tài khà kơnjơ\ bơh dơ\ trồ tiah lơh aniai dơ\ do dê, ồng Trần Đại Quang kơp kờ` là bơta dong kờl bơh mpồl bơtiàn dunia dê là kuơ màng ngan.

                                 Cau cih mờ yal tơngit K’ Duẩn.