VOV4.K’ho – Mho òr, 18/5, tàm gơlang kuang atbồ lơgar, ồng Trần Đại Quang kuang atbồ lơgar neh wă ala mat mpồl lơh sa kă bro ală lơgar bơh kòn klau bơtau lơgar Brunei là ồng Pengiran Muda Abdul Qawi lam bồ gam còp mờ jòi geh bơta [uơn bơcri priă kă bro tàm càr Thanh Hoá đơs is mờ tàm lơgar Việt Nam đơs bal. Gờm chờ ồng Abdul Qawi bal mờ ală kuang bàng tàm mpồl tus lơgar Việt Nam, ồng Trần Đại Quang đơs niam git gơp lơh broă bal đah 2 lơgar tàm tơngai rềp do, kuơ màng tàm ală gah gùng dră bal, lơh sa, chài rơ gơi, tàp pràn să jan mờ bơto bơsram, bulah git gơp tam klac bal lơh sa, kă bro ngai sơlơ geh bơtàu tơnguh mơya ờ hềt dipal mờ bơta pràn kung bè bơta kơp kờ` bơh lơgar Việt Nam mờ Brunei dê. Ồng Trần Đại Quang đơs tờm, tàm tơngai mut gơrờm bal, Việt Nam kơp kờ` geh tam klac mờ jơh ală lơgar tàm dunia, mờ geh ai tơl bơta [uơn nàng ală mpồl lơh sa kă bro lơgar Brunei, kung bè ală cau tờm bơcri priă dunia tus bal bơcri priă tàm lơgar Việt Nam tàm ală gah bè bơt bơtàu phan bơna lơh sa mờ ală tiah lơh sa mờ mai\ mok, hìu nac mờ nhơl chờ. 2 gah geh sơlơ tam klac tàm gah lơh broă jat bơta khà cau lơh broă uă ngan bơh lơgar Việt Nam dê mờ jơnau kờ` bè cau lơh broă lơgar ndai uă ngan bơh Brunei dê, kuơ màng là tàm ală càr geh khà kờp làng bol uă mờ khà cau lơh broă li la bè Thanh Hoá.

                           Cau cih mờ yal tơngit K’ Duẩn.