VOV4.K’ho – Mho òr 12/7, tàm Hìu duh broă Kuang atbồ lơgar dê, ồng Trần Đại Quang kuang atbồ lơgar wa\ rò Mpồl cau gơtìp sơnơm khih dioxin lơh aniai mờ ală kuang bàng lơh broă tàm Mpồl cau gơtìp sơnơm khih dioxin lơh aniai tus bal Pơrjum tàm pơrlòng “Tài bơh cau gơtìp sơnơm khih dioxin lơh aniai” gùt lơgar dơ\ pe. Tàm dơ\ wa\, ồng Trần Đại Quang sồr ală kơnă, ală gah lơh broă kờn pal sền gròi dong kờl nàng Mpồl cau gơtìp sơnơm khih dioxin lơh aniai ală kơnă ngai sơlơ pràn kơldang kơ\ kơl jăp, tơnguh jơnhoa cồng nha lơh broă, ngan ngồn là anih kơldìng kơ\ kơl jăp, là cau ala gơnoar mờ bơta kuơ dipal mờ kơrnoat boh lam bơh cau gơtìp sơnơm khih dioxin lơh aniai Việt Nam in. Ồng Trần Đại Quang jờng rơ ală cau gơtìp sơnơm khih dioxin lơh aniai neh lơh ngan brồ guh, sơrlèt gan kal ke, bơta lòng, jơh nùs lùp bơsram, lơh broă, lơh sa, bơtàu tơnguh rài kis bơh să tờm mờ hìu bơnhă dê. Ồng Trần Đại Quang kơ\p kờn, Mpồl cau gơtìp sơnơm khih dioxin lơh aniai ală kơnă kờn pal pơn jat tai tam gơl pa broă lơh, gùng dà lơh broă, tơrgùm wèt tus [òn lơgar, jơh nùs mblàng yal, lam sồr, bơto pơlam, dong kờl, tam klac rềp mềl bal mờ ală cau gơtìp sơnơm khih dioxin lơh aniai, ngan là cau gơtìp aniai tàm tiah sar lơgar ngài, tiah kal ke, lơh geh tơl ală bơta [ươn [oài nàng khi geh dờp mờ ngui bơta dong kờl bơh Đảng mờ Dà lơgar dê.

Cau cih mờ yal tơngi\t- Lơ Mu K’ Yến