VOV4.K’ho - Mho òr (23/6), tàm Gơlang kuang atbồ lơgar, ồng Trần Đại Quang kuang atbồ lơgar wa\ mpồl kuang bàng geh tus bal dơ\ cri bơyai “Mpồl lơh sa ka\ bro Việt Nam-Tơrbo\ bal mờ gơ rờm bal tàm rài FTA  rnàng pa”. Ồng Trần Đại Quang đơs tờm,  gơrờm bal dunia mờ tus bal ala\ kơrnuat ka\ bro FTA rnàng pa neh  geh broa\ lơh bơtàu tơngguh pa tus rài lơh sa Việt Nam. Den tàng ngan broa\ pal lơh tus mpồl lơh sa ka\ bro, cau ka\ bro Việt Nam tơngai tus la kơnjơ\ ngan. Ồng Trần Đại Quang  sồr, bơh kơrnuat geh ky\,  ala\ mpồl lơh sa ka\ bro kờ` pal geh lơh broa\ lơh  nền nòn, ngan la sền kuơ broa\ lơh lơh sa, ka\ bro mờ jòi ua\ tai drà ka\ bro jo\ jòng. Mơ kung geh sền gròi bơto bơtê,  bơta tai cau tàm mpồl cau kuang atbồ geh jak chài,  bơta pràn mờ cau  lơh broa\ chài kèr tê, git wa\ ala\ jơnau tơnggit bơh sơnrờp bè lơh sa-mpồl bơtìan, chài rgơi,  adat boh lam  dunia mờ adat boh lam bơh ala\ lơgar tus bal tàm FTA rnàng pa.

          Cau cih mờ yal tơnggit K’ Brọp