VOV4.K’ho - Mho òr, (28/7), tàm gơlang kuang atbồ lơgar, ồng Trần Đại Quang, kuang atbồ lơgar neh wă ồng Thanasak Patimaprakon, kuang jăt jơng gơs gơnăp gơnoar atbồ hờ đang rơlao jơh dà lơgar Thái Lan gam còp mờ lơh broă tàm lơgar he. Ồng Trần Đại Quang neh đơs tòm, dơ\ tus còp bơh ồng Thanasak Patimaprakon là 1 broă lơh geh kuơ màng ngan, pơgồp bal tàm broă ai broă lơh bal bơh lơgar Việt Nam mờ lơgar Thái Lan sơlơ ngai sơlơ tơnguh bơtàu. Ồng Trần Đại Quang sồr 2 lơgar pơn jăt tai tơnguh broă lơh bal tàm broă tơnguh bơtàu, sền gàr mờ ngui kơl jăp, geh cồng nha dà tàm dà dờng Mekong jăt di mờ kơrnoăt dunia, gàr niam bơta kuơ ală lơgar tàm tiah đah jum dà dờng Mekong. Lơgar Việt Nam pơn jăt tai ai tơl bơta [uơn ală anih lơh sa kă bro lơgar Thái Lan lơh sa tàm lơgar Việt Nam; lam sồr anih lơh sa kă bro lơgar Thái Lan bơcri priă tàm ală gah nhơl chờ, tàm hơ\ kuơ màng ngan là nhơl chờ tàm dà lềng, măy phan mờ măy mo\k, phan sa, phan geh lơh bơh broă lơh sa suơn sre, dà sơnơm, phan lơh broă.

                  Cau cih mờ yal tơng^t Ndong Brawl