VOV4.K’ho – Mho òr 13/10, tàm Hìu duh broă Kuang atbồ lơgar dê, ồng Trần Đại Quang, Kuang atbồ lơgar tìp mat Mpồl cau ala mat lòt Pơrjum gùt lơgar tơn jơh 5 nam dơ\ IV srơh “Cau ling yau dong kờl gơ\p tơrmù r[ah, lơh sa jak” tơngai bơh nam 2011- 2016. Tus bal dơ\ wa\ rò geh 90 nă cau ala mat là Cau khin cha jak chài lơh broă, cau tàm mpồl lơh sa kă bro jak bơh Mpồl cau ling yau dê. Ala mat kuang bàng đơng lam Đảng, Dà lơgar, ồng Trần Đại Quang jờng rơ mờ chờ gờm ală cồng nha jak ngan mờ Mpồl cau ling yau Việt Nam lơh geh tàm tơngai lài. Ồng Trần Đại Quang sồr Mpồl cau ling yau kờn pal pơndờm pơnđiang cau tàm mpồl mu\t lơh niam bàr broă bơh srơh dê là dong kờl gơ\p tơrmù r[ah, bơtàu tơnguh rài kis mờ bơtàu tơnguh lơh sa, kă bro, dipal mờ bơta pràn jak, bơta geh ngan bơh cau tàm mpồl dê. Ồng Trần Đại Quang sồr ală anih lơh sa, kă bro bơh cau ling yau dê pal ngan ngồn lam lài, lơh krơh niam tàm broă lơh jat gùng dà broă lơh bơh Đảng, kơrnoat boh lam bơh Dà lơgar dê, ngan là broă sền gàr tiah ơm kis, kloh niam, ờdo ờdă phan sa.

Cau cih mờ yal tơngi\t- Lơ Mu K’ Yến