VOV4.K’ho - Ngai òr nao 07/02, ồng Trần Quốc Huy kuang atbồ đơng lam Đảng càr Dak Nông bal mờ kuang đơng lam bồ ơ uă gah, mpồl lơh broă neh tus còp, nting săp sa tềp kuang bàng, cau ling ală pôs ling sền gàr tiah nhàr dà lơgar Bu Cháp, Bu Prăng, Dak Dang, Tuy Đức, anih sền gròi mpồng nhàr lơgar Bu Prăng, anih sền gròi ling sền gàr tiah nhàr lơgar Trương Tấn Bửư, mpồl sền gròi phan tac hờ lơgar cau mpồng nhàr lơgar Bu Prăng mờ làng bol bòn Bu Prăng 1, Bu Prăng 2, ntum Quảng Trực kơnhòal Tuy Đức, càr Dak Nông. Tàm ală anih tus còp, tơ nơ\ mờ tu\ iat ală kuang đơng lam bồ ală mpồl yal bè broă mut lơh kơ nòl he dê mờ broă lơh rơcang sa tềp tus mờ kuang bàng, cau ling mờ làng bol, ồng Trần Quốc Huy neh cih dờp ală cồng nha lơh geh tàm nam 2014, mơkung sồr ală kuang bàng, cau ling ală mpồl, pơnjat tai tơnguh nùs nhơm rơcang gàr, git loh ală bơta gơlik geh, rơcang lài tam lơh kung bè pơ gồp bal krà` cê mờ mpồl Đảng, gơnuar atbồ, ală mpồl lơh broă tàm bòn lơgar tàm broă sền gàr ngap lơngai dà lơgar, ngan là tàm dơ\ sa tềp nàng làng bol wă rò sa tềp chờ hờp, ngap lơngai, răm mhu\, ờ lời gơlik geh bơta dơr cul, ni sơna.