VOV4.K’ho – Mho ngai 25/6, Mpồl kuang bàng bơh Ban Bí thư Đảng dà lơgar bơh ồng TrầnThanh Mẫn – Bí thư Đảng dà lơgar, Bí thư Đảng đoàn, Chủ tịch Ủy ban Mặt trận dà lơgar Việt Nam lơh kuang atbồ mpồl neh geh dơ\ lơh broă mờ Ban Thường vụ Tỉnh ủy Gia Lai bè broă lơh jat Jơnau sồr sồ 35 bơh Bộ Chính trị dê mờ broă bơtàu tơnguh lơh sa – mpồl bơtìan tàm càr 6 nhai bồ nam 2020.

Đơs tàm dơ\ lơh broă, ồng Trần Thanh Mẫn đơs niam ală broă lơh ngan bơh càr Gia Lai dê tàm broă lam lơh jat Jơnau sồr sồ 35 bơh Bộ Chính trị dê mờ ală cồng nha bè lơh sa – mpồl bơtìan. Gơ wèt mờ broă rơcang lơh pơrjum, ồng Trần Thanh Mẫn đơs là, Gia Lai geh bơta krơi is bè ù tiah, lơh sa, niam chài, mpồl bơtìan, bơhìan kis den tàng ngan là geh ală bơta krơi is tàm broă cih sră nggal, rơcang lài kuang bàng, bơnah broă mblàng yal mờ bơyai lơh pơrjum.

Cau mblàng K’Duẩn