VOV4.K’ho- Mho ngai 20/7, tàm Hà Nội, Gah tàm pơrlòng ală mpồl chính trị- mpồl bơtiàn mờ ală mpồl tam klăc bal bơyai lơh Pơrjum sền wơl bơh sơnrờp 6 nhai bồ nam 2020. Tàm pơrjum, ồng Trần Thanh Mẫn Bí thư Đảng Dà lơgar, Chủ tịch Ủy ban Mặt trận dà lơgar Việt Nam, Phó Kuang ătbồ Mpồl duh broă tàm pơrlòng jờng rơ dà lơgar sồr ală mpồl chính trị- mpồl bơtiàn ơm rềp mờ [òn lơgar nàng gi\t broă gơlik geh, jơnau kơlôi sơnơng, bơta kơ\p kờ`, ală bơta kal ke, kòl yan, jơnau dan, jơnau đơs bơh làng bol mờ mpồl lơh sa kă bro dê nàng di tu\ yal wơl mờ Đảng mờ Chính phủ in geh broă lơh di tu\ tă bơsong, dong kờl lơh sa, kă bro, kơ\ kơl jăp rài kis làng bol in.

Bơh tu\ do tus lồi nam, ală mpồl tàm Gah tàm pơrlòng pơn jăt tai lơh jăt niam ală tơngume neh jàu hơ pơrgon bơh bồ nam. Tàm hơ\, sền dờng màng lơh jăt Kơrnoat bè “Lơh pràn hòi jà jơh gùt làng bol bơtàu tơnguh lơh sa- mpồl bơtiàn mờ pơn jăt tai rcăng, sơndră, bơsong bơta gơrềng bơh kòp Covid-19 dê” bơh ală broă lơh lơh broă loh làng bơh tơl mpồl cau dê, gơ jăt bal mờ ală srơh, ală dơ\ hòi jà.

Cau mblàng Lơ Mu K’Yến