VOV4.K’ho -  Pơnjat tai dơ\ pơrjum dơ\ 2, ngai òr (15/11), tơnơ\ geh iat jơnau yal tơnggit cồng nha broa\ sền gròi  bơh broa\ bơsong ala\ jơnau kờ` đơs bơh cau te\ khà pơyua tus dơ\ pơrjum dơ\ 11, Gơnoar ala mat dà lơgar kơna\ XIII,  ồng Trần Tuấn Anh,  kuang atbồ Gah   ka\ bro mờ lơh sa mờ ma\y mok dà lơgar neh ho jơnau lùp sơnrờp mờ ala\ bơta sền gròi ngan bơh ala\ kuang bàng Gơnoar ala mat dà lơgar. Do la gah broa\ dờp geh ua\ ngan jơnau lùp geh gơ rềng tus ala\ broa\ lơh rbô tơmàn gam glòm bềl, ala\ hìu ma\ lơh sa ờ geh cồng, bơsong atbồ drà ka\ bro, sền gròi ka\ bro phan đa cấp,  rcang sơndra\ phan  ka\ bro pồn ta\ dia, phan ờ ngan, phan ờ niam, phan ờ git loh  bơh lơh, broa\ lơh bơyai lơh lòt sền,  sền wơl khà niam,  rơndap wơl ala\ broa\ lơh hìu ma\y pờ tơlik ồs đèng, bơtơt rbòng dà mờ gàr niam ờ do ờ da\ tu\ yuh dà tih tàm tơngai tus.

Dơ\ lùp jơnau ồng Trần Tuấn Anh, Kuang atbồ Gah kă bro mờ lơh sa mờ mai\ mok dà lơgar drim òr, 15/11 geh gal ngan kuang bàng, ală rơnàng làng bol, cau te\ khà đơs là, hơ jơnau lùp song ngan, neh đơs tus uă bơta geh sền gròi bơh mpồl bơtiàn dê, neh lơh ngan hơ ală bơta mờ kuang bàng Gơnoar ala mat dà lơgar mờ cau te\ khà gùt lơgar sền gròi. Tàm bơnah cribơyai 2 gah neh lơh loh tơngume bơh bơta dê. Cau te\ khà tàm càr Gialai sền gròi uă ngan bơta hìu mai\ pờ tơlik ồs đèng yuh dà ko\ dà cò uă nam do tàm càr, lơh gơbàn hoàc huơr kơn jơ\ ngan tiah đah jum in. Ồng Nguyễn Văn Lộc, Kuang atbồ Anih duh broă làng bol [òn drà Ayun Pa, càr Gialai sồr Gah kă bro mờ lơh sa mờ mai\ mok dà lơgar pal sền gròi broă yuh dà hìu mai\ pờ tơlik ồs đèng dê, gàr niam di rơndap broă nàng tơmù dimơ hoàc huơr. Ồng đơs: “ Mut ngui ờ di rơndap broă, ờ di jơnau sồr den dilah càr ờ nhap nhar, ờ geh mờng chài rơcang sơndră lài dà ko\ dà cò là kal ke ngan. Làng bol tiah đah jum, tiah gơtìp ngơr bam mờ dilah yuh dà bè hơ\ den bè thàn dô pleh, kờp bal mờ broă dong kờl cau mờ phan bơna. Bol a` sồr jơh ală cau tờm tơnau dơng dà, ală cau tờm hìu mai\ pờ tơlik ồs đèng, ală mpồl atbồ pal mut lơh niam, krà` cê, di mờ rơndap broă neh ai tơlik. Bè hơ\ bol a` hơ\ sồng geh tơl tu\ tơngai, git lài jơnau tơnggit nàng yal làng bol in.”

                Cau cih mờ yal tơnggit K’ Duẩn mờ K' Brọp