VOV4.K’ho – Pơn jăt tai dơ\ lòt lơh broă tàm ală càr Tây Nguyên, ngai òr 12/05, mpồl lơh broă bơh Gah Bơ\t bơtàu dà lơgar dê bơh ồng Trịnh Đình Dũng kuang atbồ Gah Bơ\t bơtàu dà lơgar lam bồ neh geh dơ\ lơh broă mờ kuang bàng đơng lam bồ càr Gia Lai. Tàm dơ\ lơh broă, ồng Phạm Thế Dũng kuang atbồ Anih duh broă làng bol càr Gia Lai pà gi\t, uă broă lơh Dà lơgar dê mu\t lơh tàm càr, mơya càr ờ geh lơh bal mờ ờ gơtùi gròi sền geh. Đơs bè bơta gơrềng tus tiah ơm kis tu\ lơh ală broă lơh do ờ dipal mờ bơta geh ngan, gơlam tus càr pal ko\ng à` ơnòng jơnau gơlời wơl. Ồng Phạm Thế Dũng kung sồr Gah Bơ\t bơtàu dà lơgar sền sơ wì wơl khà ai tàm bơ\t bơtàu bơh sơnrờp, tài bơh tu\ do khà ai là ờ hềt ring bal mờ ờ hềt dipal. Đơs tàm dơ\ lơh broă, ồng Trịnh Đình Dũng pà gi\t, lời gơlik geh jơnau cau mu\t lơh broă dùl nùs bal mờ cau dong pơlam lơh tơnguh khà priă bơ\t bơtàu jơnhoa, gơlam tus lơh hoàc hươr pơhì pơhà uă là tài bơh ală bơta ờ hềt niam bơh Adăt bơt bơtàu lài do dê (nam 2003). Tơngai tus, jăt ngui Adăt bơ\t bơtàu pa (nam 2014) den geh tơn jơh geh ală bơta ờ hềt niam do.

Ồng Trịnh Đình Dũng kuang atbồ Gah Bơ\t bơtàu dà lơgar lơh broă mờ kuang bàng đơng lam bồ càr Gia Lai.

Gơrềng tus bơta aniai bơh hìu măy pờ tơlik ồs đèng An Khê-Kang Nak tus mờ rài kis làng bol tàm tiah đah jum bơtơ\t dơng dà hìu măy pờ tơlik ồs đèng do, tàm dơ\ lơh broă do tơn, ồng Trịnh Đình Dũng sồr Mpồl lơh broă phan bơna mờ Mpồl atbồ tiah drà dà lơgar dê kơlôi sơnơng nàng mu\t lơh rơndăp broă lơh bơ\t bơtàu broă lơh dà ai làng bol tàm tiah gơtìp aniai in. Gơ wèt mờ jơnau đơs bơh càr dê bè à` ơnòng kơ` jơ\ ngan priă pal tă BOT (hơ\ là priă pal tă lơh- jàu mờ lơh sa kă bro) tàm ală gùng rơndeh dờng, ồng Trịnh Đình Dũng kuang atbồ Gah Bơ\t bơtàu dà lơgar, pà gi\t: “Jơnau đơs tă pơgồp bơh ală oh mi dê bè bơcri priă bơh broă lơh BOT tàm ală broă lơh gùng lòt tàm tiah kơh bơnơm, à` ơnòng kơ` jơ\ ngan tus bơta tă pơgồp bơh làng bol dê, mờ gơ kung lơh aniai tus gơguh tai lơh sa, làng bol tă pơgồp uă geh lơh aniai tus gơguh tai lơh sa, den bol a` geh jơnau đơs tă pơgồp yal mờ Kuang gơs gơnăp gơnoar atbồ hơđang rlau jơh dà lơgar in nàng kơlôi sơnơng nền gơ in dipal. Gơtùi rơndăp tăp sèng bè lơi nàng gơ in dipal nàng tơrmù priă tă lơh mờ tơrmù khà priă”.

                                                                 Cau mblàng Lơ Mu K’ Yến