VOV4.K’ho – Ngai òr 22/8, ồng Trịnh Đình Dũng, Kuang jat jơng gơs gơnap gơnoar atbồ hơđang rlau jơh dà lơgar mờ mpồl lơh broă bơh Mpồl đơng lam dà lơgar bè rơcang sơndră trồ tiah lơh aniai neh tus càr Yên Bái sền bơta hoàc huơr, đơng lam broă lơh bơsong mờ dong kờl bơh sơn rờp ai làng bol gơtìp aniai tài mìu càl rơbut dờng sồ 3. Tam pà mờ ală kal ke, roh rui bơh làng bol càr Yên Bái dê, ồng Trịnh Đình Dũng cih dờp mờ jờng rơ càr Yên Bái neh geh uă broă lơh rơcang sơndră mờ mìu càl. Ồng Trịnh Đình Dũng sồr càr Yên Bái mờ ală tiah ba` sền ờ sơp, pal pơnjat tai sền gròi ală bơta gơlik geh bơh trồ tiah, rơcang lài mpồl cau tam dră lài mờ trồ tiah lơh aniai. Bal mờ hơ\, pal dong kờl di tu\ ală hìu nhă gơtìp hoàc huơr tơnơ\ mìu càl rơbut dờng, tơrgùm bơsong tơrlah ù, gàr niam gùng lòt; lơh niam wơl ală bơtơt rơbòng dà gơtìp aniai, mhar gàr niam wơl rài kis, broă lơh sa làng bol in, gàr kloh niam tiah kis, ba` lời gơlik geh kòp bơtờp.

             Cau cih mờ yal tơnggit K’ Duẩn.