VOV4.K’ho - Mho òr (29/5), geh bal tàm broă tus pơrjum rài tơnơ\ do châu Á dơ\ 22, geh bơyai lơh tàm càr lơgar Tokyo, lơgar Nhờk, ồng Trịnh Đình Dũng, kuang jăt jơng gơs gơnăp gơnoar atbồ hờ đang rơlao jơh dà lơgar bal mờ mpồl kuang bàng dờng màng tàm Gơnoar atồ lơgar Việt Nam neh tus còp mờ boh bơr mờ kuang bàng, cau lơh broă bal mờ ala măt mpồl bơtiàn lơgar Việt Nam tàm lơgar Nhờk.

Tàm do, ồng Trịnh Đình Dũng neh pơn jờng ală broă lơh pơgồp bal, geh cồng nha mờ mùl màl bơh mpồl kuang bàng, cau lơh broă tàm anih ala măt lơgar Việt Nam tàm lơgar Nhờk neh lơh gơs niam ală kơnòl mờ Đảng, Dà lơgar bal mờ Gơnoar atbồ lơgar jàu, pơgồp bal kuơ màng tàm broă chồl pràn broă lơh bal kuơ màng uă rơlao bơh lơgar Việt Nam mờ lơgar Nhờk tơnguh bơtàu tàm ală gah. Bơdìh hơ\ tai, ồng Trịnh Đình Dũng kung sồr, anih ala măt lơgar Việt Nam pal lơh niam broă sền gàr làng bol, dong kờl làng bol lơgar Việt Nam gam kis, bơsram sră mờ lơh broă tàm lơgar Nhờk, mờ pơn jăt tai tơnguh gơnoar lơh broă bal bơh 2 lơgar dê, bơh tu\ hơ\ geh pơgồp bal tàm broă lơh bal bơh lơgar Việt Nam mờ lơgar Nhờk sơlơ ngai sơlơ tơnguh bơtàu pràn mờ geh cồng nha.

         Cau cih mờ yal tơng^t Ndong Brawl