VOV4.K’ho - Mho òr (23/6),  ồng Trịnh Đình Dũng kuang  jat jơng gơs gơnap gơnoar atbồ hơđang rlau jơh dà lơgar mờ la kuang atbồ anih duh broa\ dà lơgar tus jòi dong rềs àr cau gơbàn aniai neh tus còp,  lùp lap hìu nha\ ồng Nguyễn Bá Thế dùl tàm 9 na\ cau ling gam gơtìp  ờ jòi go\ tàm rơndeh par Casa 212 sồ sơnđan 8983.

            Ala  mat Gơnoar atbồ lơgar, ồng Trịnh Đình Dũng neh pơyua jơnau lùp còp jơh nùs ngan tus hìu nha\ ồng Thế, tam pà mờ ala\ bơta  ờ suk bơh hìu nha\ ồng tàm ala\ ngai do. Ồng Trịnh Đình Dũng ai git: Dà lơgar, ling klàng gam lơh ngan geh jòi ala\ cau ling gam gơbàn ờ git tềng lơi tàm dơ\ gơbàn rềs àr rơndeh par Casa 212, tàm hơ\ geh trung uý Nguyễn Bá Thế. Jat ồng Trịnh Đình Dũng,  mờ hìu nha\ tu\ do kờ` ngan la pin dờ` tàm bơta cồng nha  dơ\ lòt jòi,  gàr niam nùs nhơm  nàng tơl pràn sa\ ja`, sền gàr 2 na\ sau gơ lòng sồr, pràn kơldang. Di tàm tu\ do,  ồng Trịnh Đình Dũng geh sồr Gah sền gàr dà lơgar, ling klàng gah  rơndeh par,  ling dà lềng, mpồl kảnh sát dà lềng, ala\ kơna\ gơnoar atbồ [òn lơgar lơh ngan sền gròi, dong kờl hìu nha\   trung uý Nguyễn Bá Thế kung bè hìu nha\ ala\ cau ling tu\ do gam ờ hềt  git tềng lơi tàm rơndeh par Casa 212 kờ` gờ`   sơrlèt kal ke do, mhar geh  bè ờs wơl tàm rài kis.

          Cau cih mờ yal tơnggit K’ Brọp