VOV4.K’ho – Ngai òr 05/9, ồng Trịnh Đình Dũng, Kuang jat jơng gơs gơnap gơnoar atbồ hơđang rlau jơh dà lơgar neh geh dơ\ lơh broă mờ kuang đơng lam bồ càr Vĩnh Phúc. Ồng Trịnh Đình Dũng đơs là, pal rơcang lài rlau tai tàm broă hòi jà ală cau bơcri priă. Jat ồng Trịnh Đình Dũng, bơdìh mờ ală bơta [uơn, Vĩnh Phúc kung gam pal kong mờ uă kal ke. Ală nam pa do, khà bơtàu tơnguh neh lơỳai wơl, bơcri priă rah rài, ờ hềt tơrgùm bal, ờ hềt lơh gơs bơta tam gơl pa bè phan bơna. Den tàng, ồng Trịnh Đình Dũng đơs là, tơngai tus, càr Vĩnh Phúc pal tơrgùm kờp sền wơl rơndap ù tiah lơh tiah lơh sa mờ mai\ mok, mpồl lơh sa mờ mai\ mok, tiah nhơl chờ, ală tiah drà pa, ală phan bơna, ală gah, ală broă lơh bơh càr dê, gơ jat bal rơndap ù tiah mờ rơndap tap sèng rài lơh sa, rơndap tap sèng wơl phan bơna, rơndap tap sèng wơl broă lơh sa suơn sre.

                  Cau cih mờ yal tơnggit K’ Duẩn.