VOV4.K’ho – Drim òr, 27/4, ồng Trịnh Đình Dũng kuang jat jơng gơs gơnap gơnoar atbồ hơđang rlau jơh dà lơgar geh dơ\ lòt sền ngan ngồn tiah tam kòi nhai mìu gờ` tàm ntum Ninh Hoà mờ lòt sền bơta trồ prang dờng soat dà, dà hang mut aniai tàm ntum Ninh Quới, kơnhoàl Hồng Dân, càr Bạc Liêu.

Lơh broă mờ kuang đơng lam bồ dờng màng càr Bạc Liêu, ồng Trịnh Đình Dũng đơs niam bơta lơh ngan bơh ală tiah dê tàm broă bơsong bơta dà hang mut aniai, gàr niam broă lơh sa tàm nhai prang. Ồng Trịnh Đình Dũng sồr càr Bạc Liêu pal pơnjat tai tam gơl rài kis làng bol dê, tơrgùm tơl broă lơh nàng gàr tơl jơnau kờ` dà sàng kloh làng bol in. Yal mờ ồng Trịnh Đình Dũng, kuang đơng lam bồ càr Bạc Liêu pà git, kờp jơh bă ù gơtìp hoàc huơr tài trồ prang dờng soat dà mờ dà hang aniai rlau 14 rbô 500 lồ, hoàc huơr kờp du\ rlau 161 tơmàn priă. Kờp jơh bă tiah ròng ka ti gơtìp hoàc huơr tus tu\ do là rlau 7 rbô 800 lồ. Jơnau lơh gơbàn hoàc huơr geh đal git là tài trồ tiah duh mờ ală bơta tàm tiah kis neh lơh aniai tus bơta pràn sơndră kòp bơh ka ti dê. Mho òr, ồng Trịnh Đình Dũng lòt sền broă rơcang sơndră trồ prang dờng soat dà mờ dà hang mut aniai tàm kơnhoàl Trần Đề, càr Sóc Trăng. Drim do, ồng geh đơng lam pơrjum tàm jàu broă lơh do tàm anih tờm pơrjum càr Sóc Trăng.

                                  Cau cih mờ yal tơngit K’ Duẩn.