VOV4.K’ho – Pơn jat tai dơ\ lòt lơh broă tàm càr Gialai, mho òr 9/6, ồng Trịnh Đình Dũng kuang jat jơng gơs gơnăp gơnoar atbồ hơđang rlau jơh dà lơgar lơh broă mờ kuang bàng đơng lam càr bè broă lơh sa- mpồl bơtiàn tàm càr.

           Tàm dơ\ lơh broă, ồng Võ Ngọc Thành kuang atbồ Anih duh broă làng bol càr Gialai, pà gi\t: 5 nhai bồ nam 2016 do, càr ko\ng mờ uă ngan bơta kal ke tài bơh trồ tiah mờ trồ prang lơh aniai. Geh rlau 30 rbô lồ phan tam tàm càr gơtìp  trồ prang lơh aniai mờ kờp jơh hoàc hươr là mờr 840 tơmàn priă. Ồng Võ Ngọc Thành kuơmàng đơs uă ngan tus bơta gơlời wơl bơh hìu măy pờ tơlik ồs đèng An Khê- Kang Nak dê. Đơs pơndu\t dơ\ lơh broă, ồng Trịnh Đình Dũng đơs niam ngan ală broă lơh ngan bơh càr Gialai dê tàm broă bơsong ală bơta kal ke bơh trồ tiah mờ trồ prang lơh aniai, mu\t lơh niam ală jơnau kờn lơh sa- mpồl bơtiàn. Gơ wèt mờ bơta hìu măy pờ tơlik ồs đèng An Khê- Kang Nak, bơh lòt sền ngan ngồn, ồng Trịnh Đình Dũng sồr Mpồl lơh sa dờng ồs đèng Việt Nam pal mu\t lơh di ală broă lơh pơlam ngui ală tơnau dơng dà. Mơkung pal rơcang lài kơlôi sơnơng, lơh geh ală jơnau sồr bơh tiah đah jum bơtơ\t tơnau dơng dà dê, ờ lời tiah đah jum bơtơ\t tơnau dơng dà gơtìp ro kơnra` dà, aniai tus broă lơh sa, mờ rài kis làng bol dê, ờ go\ di lời gơlơh aniai ờ niam tus tiah ơm kis.

Cau cih mờ yal tơngi\t- Lơ Mu K’ Yến