VOV4.K’ho - Mho òr (6/7), tàm Hìu lơh broa\ Gơnoar atbồ lơgar,  ồng Trịnh Đình Dũng  kuang jat jơng gơs gơnap gơnoar atbồ hơđang rlau jơh dà lơgar neh wa\ ồng Jung Yeon In kuang atbồ dờng mpồl lơh sa ka\ bro công nghiệp nặng Doosan Việt Nam (Doosan Vina) mờ ồng Roongrote Rangsiyopath kuang atbồ mờ la gơnoar atbồ đơng lam mpồl lơh sa dờng SCG Thái Lan.

            Wa\ ala\ mpồl lơh sa ka\ bro Hàn Quốc mờ Thái Lan,  ồng Trịnh Đình Dũng đơs tờm: Gơnoar atbồ lơgar Việt Nam sùm sền gròi,  dong tơl ala\ bơta buơn boài tus ala\ cau bơcri lơgar cau, tàm hơ\ geh mpồl lơh sa dờng Doosan mờ mpồl lơh sa dờng SCG Thái Lan tàm lơgar Việt Nam neh chul chồl tam klac,  bơcri mờ bơtàu tơngguh tài bơta kuơ bal jơh 2 gah. Ồng Trịnh Đình Dũng kơp kờ` Doosan Vina pơnjat tai geh rề ơnàng dờng bơcri, tơngguh khà phan geh lơh tàm lơgar. Bal mờ lơh gơs ala\ phan crap,   phan lơh  mờ ma\y mok kơnjơ\ drơng tờm ngan lơh broa\ mờ ma\y mok ndai. Mờ mpồl lơh sa dờng SCG Thái Lan, ồng Trịnh Đình Dũng đơs jơnhua bơta kờ` bal  kung bè broa\ lơh  sa bal mờ 2 gah gam chul chồl lơh bơh mpồl lơh sa dờng SCG mờ ala\ mpồl lơh sa ka\ bro Việt Nam tàm gah năng lượng,  nhơm zờu, bơt bơtàu.

                   Cau cih mờ yal tơnggit K’ Brọp