VOV4.K’ho – Mho òr 30/5, ồng Trịnh Đình Dũng kuang jat jơng gơs gơnăp gơnoar atbồ hơđang rlau jơh dà lơgar Việt Nam wa\ ồng Hayashi Motoo kuang atbồ Gah Lơh sa, kă bro mờ lơh sa mờ măy mok lơgar Nhờk mơkung là Kuang atbồ Cơldu\ lơh broă Tam klac bal ală kuang bàng Gơnơnoar ala mat dà lơgar gi\t gơ\p lơh bơyô bal Nhờk mờ Việt Nam, ồng Katsutoshi Nagayama cau geh priă tơmàn, mờ ồng Route- Inn kuang atbồ Mpồl lơh sa dờng Hìu năc khà dùl lơgar Nhờk. Tàm dơ\ wa\, ồng Trịnh Đình Dũng chờ gờm lơgar Nhờk neh bơyai lơh geh cồng nha Pơrjum kuang bàng dờng màng ală lơgar geh rài lơh sa mờ măy mok bơtàu tơnguh (G7) mờ Pơrjum kuang bàng G7 rề ơnàng. Kuơmàng, di tàm dơ\ do, cribơyai đah ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam mờ ồng Shinzo Abe kuang gơs gơnăp gơnoar atbồ hơđang rlau jơh dà lơgar Nhờk neh lơh geh cồng nha niam bơne\. Tàm dơ\ cribơyai, 2 nă Kuang gơs gơnăp gơnoar atbồ hơđang rlau jơh dà lơgar Việt Nam mờ Nhờk neh lơh geh ală jơnau ring bal kuơmàng chul chồl bơta gi\t gơ\p tam klac lơh broă bal dờng màng jrô ơnàng đah 2 lơgar ngai sơlơ bơtàu tơnguh. Ồng Trịnh Đình Dũng kơ\p kờn là tàm tơngai tus, Gah Lơh sa, kă bro mờ lơh sa mờ măy mok lơgar Nhờk đơs is mờ ală Gah lơh broă dà lơgar ndai bơh lơgar Nhờk dê đơs bal pơn jat tai mu\t lơh ală rơndăp broă lơh tam klac bal lơh sa tàm lơgar Việt Nam, tơnguh khà priă lơh geh bơh kă bro đah 2 lơgar sơlơ gơguh jơnhoa rlau tai.  

Cau cih mờ yal tơngi\t- Lơ Mu K’ Yến