VOV4.K’ho – Drim òr 18/8, tềng đap bơta gơlik geh kal ke bơh mìu càl rơbut dờng sồ 3, ồng Trịnh Đình Dũng, Kuang jat jơng gơs gơnap gơnoar atbồ hơđang rlau jơh dà lơgar đơng lam pơrjum jal mhar tàm internet mờ 28 càr, [òn dờng nàng cribơyai mut lơh ală broă lơh rơcang sơndră mìu càl rơbut dờng. Ồng Trịnh Đình Dũng sồr ală tiah kềng gah dà lềng pơnjat tai jal mhar kờp sền, hòi ơhò plung gam lơh broă tàm tiah ngòt rơngơt rê hờ anih ơm pleh, pơlam gàr niam jòi anih ơm ờ do ờ dă. Ồng Trịnh Đình Dũng sồr ală Gah sền gàr dà lơgar, Gah kuang àng, Gah kă bro mờ lơh sa mờ mai\ mok, Gah lơh broă sa mờ bơtàu tơnguh [òn lơgar, Gah gùng lòt mờ pơndiang phan dà lơgar rơcang lài ală rơndap broă gàr niam ờ do ờ dă bơ tơt kìng dà, tơnau dơng dà, kờp sền jơh gùng che đèng, ală rơ gồng tơnhàu chah, blàng tờ chah, ai ală phan bơna, mai\ mok tus tiah kuơ màng nàng dong kờl di tu\ dilah geh bơta lơi gơlik geh.

             Cau cih mờ yal tơnggit K’ Duẩn.