VOV4.K’ho- Nàng sơndră wơl mờ mìu càl rbu\t dờng sồ 10, ngai 2/11, Mpồl đơng lam dà lơgar bè rơcăng sơndră trồ tiah lơh aniai neh geh dơ\ pơrjum đơng lam cribơyai broă lơh rơcăng lài sơndră wơl mờ mìu càl rbu\t dờng lòt mu\t tàm ù gờl ală tiah bơh Đà Nẵng tus Phú Yên, tơnơ\ hơ\ ờ pràn mờ gơ gơs mìu nhàc tiah duh sùh ìo. Phó Thủ tướng Chính phủ, Kuang ătbồ Mpồl đơng lam dà lơgar bè rơcăng sơndră trồ tiah lơh aniai ồng Trịnh Đình Dũng tus bal đơng lam dơ\ pơrjum.

Đơng lam dơ\ pơrjum, ồng Trịnh Đình Dũng sồr ală tiah rơcăng gùng dà ntrờ` làng bol tàm tiah thòng tiah lơyah rềp kềng dà dờng, kềng gah dà lềng, tiah geh pơhìn tơrlah ù uă, ngơr bam jrô dà, gơtìp kòl. Mơkung lòt sền, kờp sền ală tơnau dơng dà, hìu măy pờ tơlik ồs đèng, pờ dơng dà; gàr niam ờdo ờdă broă lơh, tiah đah đơm, ngan là tàm jơnau yuh dà jal mhar. Rơcăng lài mpồl cau, phan bơna, rơndeh rơndồ, măy mok nàng tus dong kờl tu\ geh jơnau gơlik geh.

Phó Thủ tướng Chính phủ ồng Trịnh Đình Dũng kung sồr ală tiah lơh sùm broă lơh ai cau drơng broă sùm ngai kung bè mang, lam yal tơngi\t jơnau di tu\ yal tơngkah lài tus mờ jơh ală cau gơtìp gơrềng bơh dơ\ mìu càl rbu\t dờng in nàng rơcăng lài sơndră wơl.

Cau mblàng Lơ Mu K’Yến