VOV4.K’ho - Drim òr (17/2), ồng Trương Hoà Bình, kuang geh jơng gah gùng dră bal dà lơgar, gơnoar atbồ anih cah rơ`a làng bol dờng rơlao jơh bal mờ mpồl kuang bàng neh geh dơ\ lơh broă mờ kuang bàng đơng lam càr Dak Lak mờ anih cah rơ`a làng bol càr do.

Ồng Trương Hoà Bình, kuang geh jơng gah gùng dră bal dà lơgar, gơnoar atbồ anih cah rơ`a làng bol dờng rơlao jơh dà lơgar geh jơnau đơs tàm pơjrum tìp măt

Di bồ nam pa, ồng Trương Hoà Bình neh pơyoa bơr chờ gờm niam bơne\ ngan tus mờ ală kuang bàng đơng lam, kuang bàng bal mờ làng bol càr Dak Lak; kơ\p kờ` càr Dak Lak pơn jăt tai geh cồng nha uă rơlao tàm broă tơnguh bơtàu lơh sa-mpồl bơtiàn, gàr niam bơta lơngăp lơgar dà lơgar. Ồng Trương Hoà Bình sồr tơnkah, tàm rài pa, mờ uă bơta kal ke, càr Dak Lak pal tơrgùm bơsong niam ală broă gơl^k geh tàm càr, tơnguh bơtàu lơh sa-mpồl bơtiàn pơgồp bal mờ tơnguh rài kis pha bơna mờ nùs nhơm làng bol ală kòn cau in, tơl niam bơta kuơ di pal làng bol in. Gah cah rơ`a pal lơh jăk rơlao tai kơnòl gùng dră bal geh jàu, bơ\t bơtàu 1 anih cah rơ`a mùl màl tài làng bol.

        Cau cih mờ yal tơng^t Ndong Brawl