VOV4.K’ho - Ngai òr (10/7), ồng Trương Hoà Bình, kuang jăt jơng gơs gơnăp gơnoar atbồ hờ đang rơlao jơh dà lơgar bal mờ kuang bàng tàm Gơnoar atbồ lơgar neh lơh broă mờ kuang atbồ đơng lam càr Quảng Nam bè broă lơh sa, mpồl bơtiàn 6 nhai bồ nam 2016, bơta tòm là broă sền gàr bơta lơngăp lơngai, ờ do ờ dă tàm gùng lòt, broă sơndră mờ sa kuề sa koà, sơndră mờ kă bro phan ờ di pal, blơ\ blăc tàm broă kă bro, phan ờ ngan tàm càr do. Tàm dơ\ lơh broă, kuang bàng đơng lam càr Quảng Nam neh dan mờ Gơnoar atbồ lơgar 4 mpồl broă gơrềng tus mờ broă: dờp, sền gàr, bơto bơtê ơ\t ngir, sơm mờ bơto broă lơh cau ngir ma tuý in; Gàr niam ờ do ờ dă gùng lòt tàm gơl gùng 1 A gơl lòt gan càr Quảng Nam; Bơsong kal ke tàm broă sơndră mờ kă bro phan ờ di pal, blơ\ blăc tàm broă kă bro mờ ală broă gơrềng tus mờ phan geh is tàm càr do, tàm hơ\ gơrềng tus 2 anih lơh sa kă bro biàng Bồng Miêu mờ Phước Sơn. Đơng lam broă do, ồng Trương Hoà Bình neh đơs tòm: broă anih priă jền dong kờl tơm dồs anih lơh sa kă bro in den pal dờp kơnòl bơh anih dong kờl dê, ờ gơtùi dong kờl gời tàm pang sră.

                            Cau cih mờ yal tơng^t Ndong Brawl