VOV4.K’ho - Ồng Trương Hoà Bình kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Mpồl đơng lam dà lơgar tam dră kă bro kơ`au, blơ\ blăc kă bro mờ phan ờ ngan (đơs bal là Mpồl đơng lam 389) neh geh dơ\ lơh broă mờ mpồl lơh broă sùm Mpồl đơng lam 389 mho ngai òr 31/5 tàm Hà Nội.

Ồng Trương Hoà Bình đơs tờm: bơta kă bro kơ`au, blơ\ blăc kă bro mờ phan ờ ngan kung gam gơlik geh kal ke ngan. Tàm tu\ bơsong broă lơh tìs gam geh jơnau sền dờng màng, ờ khin, tàm mpồn, ờ geh bơta kràn cê jơh nùs, bàr pe dơ\ broă lơh tìs ngan ngồn gam lơh lơyaì, lơh pơnrơ ờ niam. Den tàng bè hơ\, ồng Trương Hoà Bình sồr: Sơlơ lơh uă tai broă lơh lùp sền kơnòl, lùp sền lòt sền broă lơh dà lơgar nàng sền go\ mờ rơcang sơndră bơta ờ niam; ntrờn, tam gơl ală cau atbồ ală anih lơh broă, mpồl lơh broă geh bơta gơ tơngo\ tàm mpồn, tò dong ai broă lơh kă bro kơ`au, blơ\ blăc kă bro mờ phan ờ ngan ờ lơh geh di jơnau sồr bơh kơnòl broă dê, kràn cê jơh nùs ờ geh tiah kơryan ờ ai tàm broă lơh do. Dilah geh broă lơh tìs tus kàr lơi den pal lơh bơsong tus kàr hơ\, geh bal là lơh glài ku\p jàm. Pal gơ jat bal broă do mờ broă lơh jat Kơrnoat Dà lơgar 4, sùm sơlơ sền tìs di is mờ sền tìs di.

Cau cih mờ yal tơngi\t- Lơ Mu K’ Yến