VOV4.K’ho – Drim òr 6/5, tàm Hà Nội, ồng Trương Hoà Bình kuang jat jơng gơs gơnăp gơnoar atbồ hơđang rlau jơh dà lơgar lơh broă mờ Mpồl lùp sền Gơnoar atbồ lơgar bè broă lơh lùp sền, bơsong yal yă mờ rơcang sơndră sa kuề sa kùa. Ồng sồr, gah lùp sền kờn pal pơn jat tai tam klac bal, sơlơ tơnguh tai bơta lơh broă geh cồng nha bơh mpồl kuang bàng dê, mơkung lơh jat broă rơndăp lơh broă lùp sền, pơgồp bal mờ ală gah lơh broă geh gơrềng, ngan là kờp du\ tă mờ dơ\ ngui priă jền nàng kơryan bơta tàm rơndăp tàm rơndồl tàm broă lơh lùp sền. Mpồl lùp sền Gơnoar atbồ lơgar kờn pal yal di tu\ ai Gơnoar atbồ lơgar, Kuang gơs gơnăp gơnoar atbồ lơgar in ală broă lùp sền, bơsong yal yă, mờ rơcang sơndră sa kuề sa kùa. Gah lùp sền kờp bal tơnguh jơnhoa pràn jak lơh broă, lơh jat niam broă rơndăp lơh bơh Gơnoar atbồ lơgar, Kuang gơs gơnăp gơnoar atbồ hơđang rlau jơh dà lơgar dê nàng mu\t lơh jak chài, ngac ngar broă lơh lùp sền kờn tơnguh jơnhoa cồng nha lùp sền, kràn cê bơsong ală broă lơh tìs, kuơmàng gơ wèt tus mờ ală cau sa kuề sa kùa uă. Gah lùp sền kờn pal lơh niam ală broă lơh tam klac lơh bal mờ dunia nàng tơnguh jơnhoa cồng nha lơh broă tàm broă lơh rơcang sơndră sa kuề sa kùa.

Cau cih mờ yal tơngi\t- Lơ Mu K’ Yến