VOV4.K’ho- Mho ngai 3/11, tàm Hìu duh broă Chính phủ dê, ồng Trương Hoà Bình Phó Thủ tướng Thường trực Chính phủ neh wa\ rò rềp mềl 56 nă cau pơnrơ jak dờp Khà jờng “Kuang bàng, công chức, viên chức kơnòm să jak” gùt lơgar dơ\ VII. Phó Thủ tướng Thường trực pơyua jơnau còp să mờ nting săp gờm chờ lơh geh cồng nha tus ơruh pơnu Việt Nam.

Mơkung jờng rơ Đoàn dà lơgar neh bơyai lơh Khà jờng “Kuang bàng, công chức, viên chức kơnòm să jak” gùt lơgar mờ kơ\p kờ` broă lơh jờng rơ muh mat kuang bàng, công chức, viên chức kơnòm să do geh lơh sùm pah nam. Jăt Phó Thủ tướng Thường trực, rơnàng kơnòm să ngai sơlơ ngac ngar, nhhăp nhhar, geh bơto bơtê wil tơl mờ dipal là cau tờm rài tơnơ\ do bơh dà lơgar dê. 56 nă oh mi dờp sră jờng rơ “Kuang bàng, công chức, viên chức kơnòm să jak” là ală bơkàu niam, geh săc rwah bơh ală anih lơh broă sră pơ àr dà lơgar dê bơh kấp kơnhoàl, càr, dà lơgar, anih lơh broă Đảng dê, mpồl lơh broă chính trị- mpồl bơtiàn mờ mpồl phàu crong halà mpồl lơh sa kă bro dà lơgar.

Cau mblàng Lơ Mu K’Yến