VOV4.K’ho – Drim òr 26/02, ồng Trương Minh Tuấn kuang geh jơng tàm Mpồl Đảng dà lơgar mơkung là Kuang jat jơng atbồ Gah Yal tơngi\t mờ mblàng yal jơnau dà lơgar neh chờ gờm Gah Lơh sơnơm dà lơgar di Ngai Cau lơh sơnơm Việt Nam (27/02). Ồng Trương Minh Tuấn pơyua nting săp niam bơne\ ngan rlau jơh tus kuang đơng lam bồ, kuang bàng, mờ cau lơh broă gah lơh sơnơm tàm sùm jơh ală nam do neh lơh ngan jơh nùs sùm tài bơh bơta pràn kơldang să jan làng bol dê. Ồng pà gi\t, ală nam do, gah lơh sơnơm neh geh dà kơlhề dờng ngan tàm broă dong kờl, sền gàr pràn kơldang să jan làng bol in, bơ\t bơtàu nùs nhơm cau lơh sơnơm bơh gah lơh sơnơm dê bal mờ broă lơh tam gơl pa broă lơh sơnơm dà lơgar dê. Mơkung đơs tờm tus bơta pơgồp bal kơ\ kơl jăp đah Gah Yal tơngi\t mờ mblàng yal jơnau dà lơgar mờ Gah Lơh sơnơm dà lơgar tàm ală broă, bè mblàng yal, jăt ngui măy mok jak chài tàm broă lơh ngan ngồn.

Mò Nguyễn Thị Kim Tiến kuang atbồ Gah Lơh sơnơm dà lơgar ưn ngài ală bơta tam pà bal bơh ồng Trương Minh Tuấn dê. Mò Nguyễn Thị Kim Tiến kung pà gi\t, gah lơh sơnơm mờ mblàng yal jơnau là bàr broă lơh ờ gơtùi tam cah is ờ. Bơh sră ki\ pơrgon mờ tam klac lơh broă bal đah Gah Yal tơngi\t mờ mblàng yal jơnau dà lơgar mờ Gah Lơh sơnơm dà lơgar, tơngai tus 2 Gah lơh broă do geh pơn jat tai lơh pràn tam klac lơh broă bal kờn mblàng yal, dong làng bol gi\t wa\ broă lơh ngan bơh gah lơh broă do dê, ală kal ke mờ lơh ngan lơh niam nùs cau kòp in kung bè tơnguh jơnhoa cồng nha sền gàr pràn kơldang să jan bơh gah lơh sơnơm dê.

Cau cih mờ yal tơngi\t- Lơ Mu K’ Yến