VOV4.K’ho - Tàm dơ\ tus còp ală càr Tây Nguyên, ngai òr (14/7), ồng Trương Quang Nghĩa, kuang atbồ gah gùng lòt mờ pơn diang phan dà lơgar bal mờ mpồl kuang bàng tàm gah gùng lòt mờ pơn diang phan dà lơgar neh geh dơ\ lơh broă mờ kuang bàng đơng lam 2 càr Kon Tum mờ Gia Lai bè broă sền gàr dà lơgar tàm gah gùng lòt mờ pơn diang phan.

           Ồng Trương Quang Nghĩa, kuang atbồ gah gùng lòt mờ pơn diang phan dà lơgar geh jơnau đơs tàm dơ\ lơh boă mờ kuang bàng đơng lam càr Kon Tum

Đơs tàm dơ\ lơh broă mờ kuang bàng đơng lam càr Kon Tum, ồng Trương Quang Nghĩa neh dờp, mờ đơs niam broă lơh ngan bơh càr Kon Tum dê tàm broă bơcri priă lơh gùng lòt mờ sồr; tàm broă gàr niam ờ do ờ dă gùng lòt ù gờl bal mờ ală plung lòt tàm tơnao dà hìu măy pờ tơl^k ồs đèng; pơn jăt tai tơnguh broă sền gàr niam ờ do ờ dă tàm gùng lòt.

Lơh broă mờ càr Gia Lai, ồng Trương Quang Nghĩa kuang atbồ Gah Gùng lòt pơn diang phan dà lơgar đơs niam ngan broă lơh ngan bơh càr Gia Lai dê tàm bơtàu tơnguh phan bơna, gàr niam bơta lơngăp lơngai, ờ do ờdă gùng lòt.

                               Ồng Trương Quang Nghĩa, kuang atbồ gah gùng lòt mờ pơn diang phan dà lơgar lơh broă tàm càr Gia Lai

Gơ wèt mờ ală jơnau dan bơh càr dê, ồng Trương Quang Nghĩa tơngkah, kes priă dà lơgar dê tu\ do gam kal ke ngan, càr kờn pal kơlôi sơnơng nền sac rwah broă lơh kờn ngan gơ jal ngan nàng dan bơcri priă lơh: “Đah jơnau dan, jơnau kờn mờ bơta tơl pràn priă jền Gơnoar ala mat dà lơgar ki\ ai geh bơta krơi is uă ngan. Den tàng bơh tu\ do tơn, càr pal geh jơnau dan gờn, bal mờ Gah Gùng lòt pơndiang phan dà lơgar rơndăp broă lơh lơi kờn lơh lài, sac rwah broă lơh lơi gơ jal ngan kờn ngan, cèng wơl cồng nha pràn ngan rlau jơh ai bơta tàm tơrbo\ bal mờ bơtàu tơnguh lơh sa- mpồl bơtiàn in nàng bal mờ bol a` geh jơnau đơs tu\ broă do geh jun tus Gơnoar ala mat dà lơgar cribơyai”.

                      Cau cih mờ yal tơng^t Ndong Brawl – Lơmu K’ Yến