VOV4.K’ho - Mho òr 05/03, tàm Gơlăng Kuang atbồ lơgar, ồng Trương Tấn Sang kauang atbồ lơgar tìp măt 150 nă cau ala măt ala tus ală cau cih sră, cau bơceh jơnau nri\ dunia tus bal Pơrjum dunia yal tơngiit văn học Việt Nam mờ pơr lòng jơnau nri\ châu Á- Thái Bình Dương dơ\ 2, geh lơh tàm [òn dờng Hà Nội, 2 càr Quảng Ninh mờ Bắc Ninh bơh ngai 1 tus ngai 7 nhai do. Jơh nùs gờm chờ wa\ rò ală cau cih sră, cau bơceh jơnau nri\ dunia, ồng Trương Tấn Sang đơs tờm: tàm jơnau kah yau crơng gơs mờ bơtàu tơnguh, Việt Nam geh gi\t tus là jơi bơtiàn khin cha jak chài tàm rài tam lơh tơngklàs jơi bơtiàn mờ kung là jơi bơtiàn tơr yang tơr yồng tàm bơ\t bơtàu dà lơgar. Ồng Trương Tấn Sang đơs tờm: tàm broă lơh tam gơl pa, jơnau cih, mờ jơnau nri\ geh gơnuar broă dờng màng ngan. Đảng, Dà lơgar Việt Nam đơs tờm, bơta chài rơ gơi là jơnau kờn mờ là pràn chồl nàng bơtàu tơnguh bơh dà lơgar dê. Kuơmàng, tàm broă lơh tam lơh sền gàr Dà lơgar, mờ bơ\t bơtàu dà lơgar, uă ngan gơ\p bơ yô dunia neh, gam mờ pơn jăt tai kờn bal Việt Nam, bơta geh măt bơh ală cau cih sră, mờ cau bơceh jơnau nri\ dê là ală cau ala măt tàm broă lơh chài rơ gơi lơh niam bơne\ rlau tai bơta gi\t gơ\p ngăp lơngai, lơh bơ yô bal đah ală lơgar dê.