VOV4.K’ho - Mho òr 24/03, ồng Trương Tấn Sang kuang atbồ lơgar mờ pơ ùr bal mờ mpồl kuang bàng dờng màng lơgar he neh tus càr lơgar Vientiane, lơgar Lào, sơn đờm dơ\ tus còp mờ lơh broă tàm lơgar Lào bơh ngai 23 tus ngai 25 `hai do jat jơnau jà bơh ồng Choumaly Sayasone kuang atbồ đơng lam Đảng, mơlà kuang atbồ lơgar Lào mờ pơ ùr. Tơnơ\ dơ\ wă rò, ồng Trương Tấn Sang neh cribơyai bal mờ ồng Choumaly Sayasone. Tàm dơ\ cribơyai, 2 gah ringbal gàr bè ờs bơyai bal mpồl kuang bàng dờng màng mờ ală kơnă; sơlơ tam klac bè sền gàr dà lơgar, sền gàr ngap lơngai, pơ gồp bơnah gàr kơ\ ngap lơngai, kơ\ kơljap bơh tơl lơgar dê; mut lơh geh cồng nha ală jơnau ringbal pơrjum dơ\ 37 anih duh broă gơnuar atbồ 2 lơgar Việt Nam mờ Lào, mhar tơlik ală kơrnuat, broă lơh, ai geh bơta buơn buài tus mờ tam klac kă bro, bơcri priă đah 2 lơgar pơnjat tai bơtàu tơnguh mờ gàr niam cồng nha. 2 gah ringbal đơng lam ală anih lơh broă 2 lơgar, lơh ngan pơ gồp bal, kờ` lơh jơh rơndap broă tơnguh khà lơut, lơh niam `jrong tồt tiah nhàr 2 lơgar lài mờ lồi nam do, nàng gờm chờ ală jơnau gùng dră bal kuơ màng bơh 2 lơgar dê.